JAWAHAR NAVODAYA VIDYALAYA 6th CLASS APPLICATION
ജവഹർ നവോദയ വിദ്യാലയ ആറാം ക്ലാസ് സെലക്ഷൻ ടെസ്റ്റ്
ആറാം ക്ലാസ് JNVST 2027-ലേക്കുള്ള ഓൺലൈൻ അപേക്ഷ സമർപ്പിക്കാനുള്ള അവസാന തീയതി 07.08.2026 വരെ നീട്ടിയിരിക്കുന്നു. അസൗകര്യങ്ങൾ ഒഴിവാക്കുന്നതിനായി, അവസാന തീയതിക്ക് മുൻപായിത്തന്നെ അപേക്ഷാ ഫോം പൂരിപ്പിച്ച് സമർപ്പിക്കുക.
ജവഹർ നവോദയ വിദ്യാലയങ്ങളിൽ ആറാം ക്ലാസിലേക്കുള്ള പ്രവേശന (2027-28) ഓൺലൈൻ അപേക്ഷ സമർപ്പിക്കേണ്ട അവസാന തീയതി 2026 ഓഗസ്റ്റ് 07 ആണ്. പ്രവേശന പരീക്ഷ 2026 നവംബർ 28-ന് നടക്കും
രാജ്യത്തെ ജവഹർ നവോദയ വിദ്യാലയങ്ങളിലെ 2027-28 അധ്യയന വർഷത്തെ ആറാം ക്ലാസ് പ്രവേശനത്തിനായുള്ള സെലക്ഷൻ ടെസ്റ്റിന് രജിസ്ട്രേഷൻ ആരംഭിച്ചു. യോഗ്യരായ വിദ്യാർത്ഥികൾക്ക് നവോദയ വിദ്യാലയ സമിതിയുടെ ഔദ്യോഗിക വെബ്സൈറ്റ് ആയ https://cbseitms.rcil.gov.in/nvs/ വഴി ഓൺലൈനായി അപേക്ഷിക്കാം..
ജവാഹർ നവോദയ വിദ്യാലയങ്ങളിലെ (ജെഎൻവി)ആറാംക്ലാസിലെ പ്രവേശനത്തിനുള്ള സെലക്ഷൻ ടെസ്റ്റിന് അപേക്ഷിക്കാം. ഗ്രാമീണമേഖലകളിലെ വിദ്യാർഥികളെ മുഖ്യമായും ഉദ്ദേശിച്ചുകൊണ്ട് കേന്ദ്രസർക്കാർ ആരംഭിച്ച നവോദയ വിദ്യാലയങ്ങൾ മികച്ചനിലവാരമുള്ള പഠനസൗകര്യങ്ങൾ ഒരുക്കുന്നതിനൊപ്പം സൗജന്യമായി പഠിക്കാനും അവസരമൊരുക്കുന്നു. 27 സംസ്ഥാനങ്ങളിലും എട്ട് കേന്ദ്രഭരണപ്രദേശങ്ങളിലുമായി മൊത്തം 654 വിദ്യാലയങ്ങൾ നിലവിലുണ്ട്. കേരളത്തിലെ 14 ജെഎൻവികൾ: ചെന്നിത്തല (ആലപ്പുഴ), നേരിയമംഗലം (എറണാകുളം), കുളമാവ് (ഇടുക്കി), ചെണ്ടയാട് (കണ്ണൂർ), പെരിയ (കാസർകോട്), വടകര (കോഴിക്കോട്), കൊട്ടാരക്കര (കൊല്ലം), വടവാതൂർ (കോട്ടയം), വെൺകുളം (മലപ്പുറം), മലമ്പുഴ (പാലക്കാട്), വെച്ചൂച്ചിറ (പത്തനംതിട്ട), വിതുര (തിരുവനന്തപുരം), മായന്നൂർ (തൃശ്ശൂർ), ലക്കിടി (വയനാട്).
സെൻട്രൽ ബോർഡ് ഓഫ് സെക്കൻഡറി എജുക്കേഷൻ (സിബിഎസ്ഇ) നടത്തുന്ന പരീക്ഷകൾക്കാണ് ഇവിടെ വിദ്യാർഥികളെ സജ്ജരാക്കുന്നത്. ക്ലാസ് എട്ടുവരെ പഠനമാധ്യമം മാതൃഭാഷ/പ്രാദേശികഭാഷ ആയിരിക്കും. അതിനുശേഷം മാത്തമാറ്റിക്സ്, സയൻസ് എന്നിവയ്ക്ക് ഇംഗ്ലീഷും സോഷ്യൽ സയൻസസിന് ഹിന്ദിയും ആയിരിക്കും.
സഹവിദ്യാഭ്യാസ, സഹവാസരീതിയിലാണ് പഠനം. താമസം, ഭക്ഷണം, യൂണിഫോം, ടെക്സ്റ്റ് ബുക്ക് എന്നിവ സൗജന്യമാണ്. ഒൻപതുമുതൽ 12 വരെ ക്ലാസുകളിൽ പഠിക്കുന്നവർമാത്രം വിദ്യാലയ വികാസ് നിധിയിലേക്ക് പ്രതിമാസം 600 രൂപ നൽകണം. എന്നാൽ പെൺകുട്ടികൾ, പട്ടിക- ഭിന്നശേഷി വിഭാഗക്കാർ, ദാരിദ്ര്യരേഖയ്ക്കുതാഴെ വാർഷികവരുമാനമുള്ള കുടുംബങ്ങളിലെ കുട്ടികൾ തുടങ്ങിയവരെ ഇതിൽനിന്ന് ഒഴിവാക്കിയിട്ടുണ്ട്.
ഇളവിന് അർഹതയുള്ള കുട്ടികൾ (ആറുമുതൽ എട്ടുവരെ ക്ലാസുകളിൽ പഠിക്കുന്നവർ, മുകളിൽ സൂചിപ്പിച്ച വിഭാഗക്കാർ തുടങ്ങിയവർ) ഒഴികെയുള്ള സർക്കാരുദ്യോഗസ്ഥരുടെ മക്കൾ പ്രതിമാസം 1500 രൂപ അല്ലെങ്കിൽ രക്ഷിതാക്കൾക്കുലഭിക്കുന്ന വിദ്യാഭ്യാസ അലവൻസ്, ഏതാണോ കുറവ് അത് വികാസ് നിധിയിലേക്ക് (പ്രതിമാസം കുറഞ്ഞത് 600 രൂപ) നൽകണം.
സീറ്റ്, സംവരണം
ഓരോ വിദ്യാലയത്തിലും 80 പേർക്ക് പ്രവേശനം നൽകും. ഓരോ ജില്ലയിലെയും വിദ്യാലയത്തിൽ 75 ശതമാനം സീറ്റുകൾ ആ ജില്ലയിലെ ഗ്രാമീണമേഖലകളിലെ വിദ്യാർഥികൾക്കായി സംവരണംചെയ്തിട്ടുണ്ട്. ബാക്കി സീറ്റുകൾ ഓപ്പൺ സീറ്റുകളാണ്. അവ ജില്ലയിലെ ഗ്രാമീണ-നഗര പ്രദേശക്കാർക്കായി മെറിറ്റടിസ്ഥാനമാക്കി നൽകും.
ഗ്രാമീണമേഖലയിലുള്ള സർക്കാർ/സർക്കാർ എയ്ഡഡ്/സർക്കാർ അംഗീകൃത സ്കൂളുകളിൽ 3, 4, 5 ക്ലാസുകളിൽ അക്കാദമിക് വർഷം പൂർണമായും പഠിച്ചവരെമാത്രമേ ഗ്രാമീണമേഖലാ സംവരണസീറ്റിലേക്ക് പരിഗണിക്കൂ. അഞ്ചാംക്ലാസിലെ പഠനം പൂർണമായും പ്രവേശനം തേടുന്ന ജില്ലയിലെ ഗ്രാമീണമേഖലയിലെ സ്കൂളിലായിരിക്കണം. 3, 4, 5 ക്ലാസുകളിൽ ഒരു ദിവസമെങ്കിലും നഗരപ്രദേശത്തെ സ്കൂളിൽ പഠിച്ചവരെ നഗരപ്രദേശ വിദ്യാർഥിയായേ കണക്കാക്കൂ. മൊത്തം സീറ്റിന്റെ മൂന്നിൽ ഒന്ന് പെൺകുട്ടികൾക്കാണ്. പട്ടിക/ഒബിസി വിഭാഗക്കാർ, ഭിന്നശേഷിക്കാർ എന്നിവർക്ക് സംവരണമുണ്ട്. ട്രാൻസ്ജെൻഡർ വിഭാഗത്തിന് പ്രത്യേക സംവരണമില്ല. അവരെ സംവരണത്തിനായി ആൺകുട്ടികളുടെ വിഭാഗത്തിൽ പരിഗണിക്കും.
അപേക്ഷ
അപേക്ഷ https://cbseitms.rcil.gov.in/nvs/ വഴി ജൂലായ് 29 വരെ നൽകാം. അപേക്ഷാഫീസ് ഇല്ല. എല്ലാ ജെഎൻവികളിലും അപേക്ഷാസമർപ്പണ സഹായത്തിന് ഹെൽപ്പ് ഡെസ്കുകൾ പ്രവർത്തിക്കും.
ആവശ്യമായ രേഖകൾ
NVS ക്ലാസ് 6 പ്രവേശനത്തിന് അപ്ലോഡ് ചെയ്യേണ്ട രേഖകളുടെ പട്ടിക:
- ജനന സർട്ടിഫിക്കറ്റ്
- താമസ സർട്ടിഫിക്കറ്റ് (താമസസ്ഥലം)
- ഗ്രാമീണ മേഖല പഠന സർട്ടിഫിക്കറ്റ് (ബാധകമെങ്കിൽ)
- ജാതി സർട്ടിഫിക്കറ്റ് (SC/ST/OBC ക്കാർക്ക്)
- വൈകല്യ സർട്ടിഫിക്കറ്റ് (ബാധകമെങ്കിൽ)
- ആധാർ കാർഡ്
- വിദ്യാർത്ഥിയുടെ പാസ്പോർട്ട് വലുപ്പത്തിലുള്ള ഫോട്ടോ
- വിദ്യാർത്ഥിയുടെയും രക്ഷിതാവിന്റെയും ഒപ്പ്
- മാതാപിതാക്കളുടെ താമസ തെളിവ് (വോട്ടർ ഐഡി അല്ലെങ്കിൽ റേഷൻ കാർഡ് പോലെ)
- സ്കൂൾ പ്രിൻസിപ്പൽ/ഹെഡ്മാസ്റ്ററുടെ സർട്ടിഫിക്കറ്റ്
- ഈ രേഖകളെല്ലാം വ്യക്തവും വായിക്കാൻ കഴിയുന്നതും ആവശ്യമായ ഫയൽ വലുപ്പത്തിലുള്ളതുമാണെന്ന് ഉറപ്പാക്കുക.
പൊതുവായ പ്രധാന സവിശേഷതകൾ
► എല്ലാ ജില്ലകളിലും കോ-എജ്യൂക്കേഷണൽ റസിഡൻ ഷ്യൽ സ്കൂൾ ആൺകുട്ടികൾക്കും പെൺകുട്ടികൾക്കും പ്രത്യേകം ഹോസ്റ്റൽ
►സൗജന്യ വിദ്യാഭ്യാസം, ഭക്ഷണം, താമസ സൗകര്യം
►മൈഗ്രേഷൻ സ്കീം മുഖേന വിപുലമായ സാംസ്കാരിക കൈമാറും. സ്പോർട്സിൻ്റെയും ഗെയിമുകളുടെയും പ്രോത്സാഹനം
►NCC, സ്കൗട്ട്സ് & ഗൈഡ്സ്, NSS
റിസർവേഷൻ
►ഒരു ജില്ലയിലെ കുറഞ്ഞത് 75% സീറ്റുകളും ഗ്രാമപ്രദേശങ്ങളിലെ വിദ്യാർത്ഥികളാൽ നികത്തപ്പെടും.
►SC, ST, OBC, ദിവ്യാംഗ് അപേക്ഷകർക്ക് ഗവണ്മെൻ്റ് മാനദണ്ഡങ്ങൾ അനുസരിച്ചുള്ള സംവരണം.
►കുറഞ്ഞത് 1/3 സീറ്റുകൾ പെൺകുട്ടികൾ ക്കായി സംവരണം ചെയ്തിരിക്കുന്നു.
എങ്ങനെ ഓൺലൈനായി അപേക്ഷിക്കാം :
- NVS-ന്റെ ഔദ്യോഗിക സൈറ്റ് navodaya.gov.in സന്ദർശിക്കുക.
- ഹോം പേജിൽ ലഭ്യമായ JNV ക്ലാസ് 6 അഡ്മിഷൻ ലിങ്കിൽ ക്ലിക്ക് ചെയ്യുക.
- ഉദ്യോഗാർത്ഥികൾ വിശദാംശങ്ങൾ രേഖപ്പെടുത്തുന്ന ഒരു പുതിയ പേജ് തുറക്കും.
- അപേക്ഷാ ഫോം പൂരിപ്പിച്ച് അപേക്ഷാ ഫീസ് അടയ്ക്കുക.
കൂടുതൽ വിവരങ്ങൾക്കു വിജ്ഞാപനം വായിക്കുക.
ഓൺലൈനായി അപേക്ഷ സ്വീകരിക്കുന്ന അവസാന തീയതി : 2026 ഓഗസ്റ്റ് 07
Official Website: https://navodaya.gov.in/
കൂടുതൽ വിവരങ്ങൾക്ക്: Navodaya Vidyalaya 6th Class Admission Prospectus
ഓൺലൈനായി അപേക്ഷിക്കേണ്ട ലിങ്ക്: Apply For Class Vi Jawahar Navodaya Vidyalaya Selection Test
പുതുക്കിയ പോസ്റ്റർ USK Agent Login ൽ ലഭ്യമാണ്
ONE CLICK POSTER DOWNLOADING TOOL
USK login
നിരാകരണം:
ഈ വെബ്സൈറ്റിൽ അടങ്ങിയിരിക്കുന്ന വിവരങ്ങൾ അപ്ഡേറ്റും കൃത്യവുമാണെന്ന് ഉറപ്പാക്കാൻ ഞങ്ങൾ എല്ലാ ശ്രമങ്ങളും നടത്തുന്നുണ്ടെങ്കിലും, വെബ്സൈറ്റിൽ ലഭ്യമായ വിവരങ്ങളുടെയും ഉൽപ്പന്നങ്ങളുടെയും സേവനങ്ങളുടെയും സമ്പൂർണ്ണത, വിശ്വാസ്യത, കൃത്യത അല്ലെങ്കിൽ ലഭ്യത എന്നിവയെക്കുറിച്ച് ഇ സേവകൻ ഒരു ഉറപ്പും നൽകുന്നില്ല. ഇ സേവകൻ ബ്ലോഗുകൾ പൊതുവായ സേവനങ്ങളെയും അറിവുകളെയും കുറിച്ചുള്ള ചർച്ചയ്ക്കുള്ളതാണ്.
"ഞങ്ങൾ നൽകുന്ന വിവരങ്ങൾ മറ്റു ലിങ്കുകൾ ഭാവിയിൽ മാറ്റങ്ങൾ വന്നേക്കാം. അത്തരത്തിൽ വരുന്ന മാറ്റങ്ങൾ നിങ്ങളുടെ ശ്രെദ്ധയിൽ പെടുകയാണെങ്കിൽ താഴെ കമന്റ് ബോക്സിൽ രേഖപ്പെടുത്തുക."
Tags:
EDUCATION
