AGRI STACK FARMER REGISTRATION - KERALA

അഗ്രീ സ്റ്റാക്ക് കർഷക രജിസ്ട്രേഷൻ

കർഷകർക്ക് കേന്ദ്ര-സംസ്ഥാന സർക്കാരിന്റെ വിവിധ സേവനങ്ങൾ ലഭ്യമാക്കുവാൻ വേണ്ടി കർഷകക്കായി അഗ്രീ സ്റ്റാക്ക് എന്ന ഓൺലൈൻ പ്ലാറ്റ്ഫോമിലേക്കുള്ള കർഷക രജിസ്ട്രേഷൻ കൃഷിഭവൻ മുഖാന്തരം ചെയ്യണം (രജിസ്ട്രേഷൻ ഇപ്പോൾ ഓൺലൈൻ വഴിയും ലഭ്യമാണ്.)

PMKISAN( വർഷം 6000 രൂപ, 2000 രൂപയുടെ 3 ഗഡുക്കളായി ലഭിക്കുന്ന പദ്ധതി) ആനുകൂല്യം ലഭിക്കുന്ന മുഴുവൻ കർഷകരും താഴെ പറയുന്ന രേഖകളുമായി കൃഷിഭവനിൽ എത്തി രജിസ്ടർ ചെയ്യുക.

കർഷക രജിസ്ട്രേഷൻ ഇപ്പോൾ ഫാർമർ ലോഗിൻ വഴി സ്വന്തമായോ അക്ഷയ സെൻ്ററുകൾ, കോമൺ സർവ്വീസ് സെൻ്ററുകൾ എന്നിവ വഴിയോ ചെയ്യാവുന്നതാണ്.

കർഷക രജിസ്ട്രേഷൻ ഘട്ടങ്ങൾ

https://klfr.agristack.gov.in/ എന്ന പോർട്ടലിൽ കയറുക.
ഇവിടെ official/ Farmer എന്നതിൽ Farmer Select ചെയ്യുക. ഇവിടെ താഴെ Create new Account ൽ ക്ലിക്ക് ചെയ്യണം.
അപ്പോൾ ഓപ്പൺ ആയി വരുന്ന വിൻഡോയിൽ Aadhar - ekyc എന്നതിന് താഴെ ആധാർ നമ്പർ ടൈപ്പ് ചെയ്ത് കൊടുത്ത് സബ്മിറ്റ് ചെയ്യുക.
അപ്പോൾ നമ്മുടെ ആധാർ ലിങ്ക് ചെയ്തിരിക്കുന്ന ഫോണിലേക്ക് ഒരു ഒ ടി പി വരുന്നതാണ്. ഈ ഒടിപി നൽകി Verify ചെയ്യണം.
താഴെയായി ഫോൺനമ്പർ കൊടുക്കാനുള്ള സ്ഥലത്ത് ഫോൺ നമ്പർ ടൈപ്പ് ചെയ്ത് കൊടുക്കുക. അപ്പോഴും ഫോണിലേക്ക് ഒടിപി വരും. ഇത് നൽകി verify നൽകുക.
തുടർന്ന് താഴെയായി പാസ് വേർഡ് സെറ്റ് ചെയ്യാനുള്ള ഓപ്ഷൻ വരും. അവിടെ പാസ്‌വേഡ് സെറ്റ് ചെയ്യുക.
തുടർന്ന് വീണ്ടും ലോഗിൻ പേജിലേക്ക് പോയി Farmer ഓപ്ഷൻ സെലക്ട് ചെയ്യുക. യൂസർ ഐഡി യായി ഫോൺ നമ്പർ കൊടുക്കണം. പാസ്‌വേർഡ് നേരത്തേ സെറ്റ് ചെയ്തത് നൽകുക. തുടർന്ന് ക്യാപ്ച്ച കൊടുത്ത് ലോഗിൻ ചെയ്യാവുന്നതാണ്.
തുടർന്ന് താഴെ Register as farmer എന്നതിൽ ക്ലിക്ക് ചെയ്യുക. അപ്പോൾ കാണിക്കുന്ന Mobile Number Change Confirmation എന്നതിൽ No എന്ന് കൊടുക്കുക.
തൊട്ട് താഴെ Land ownership detailis ൽ owner എന്ന് സെലക്ട് ചെയ്യണം. തുടർന്ന് വരുന്ന Occupation details ൽ Agriculture Land owning farmer എന്നത് രണ്ടും Select ചെയ്യണം.
തുടർന്ന് താഴെ Land details ൽ Fetch Land details ൽ ക്ലിക്ക് ചെയ്യണം. District, Sub district, Village എന്നിവ സെലക്ട് ചെയ്ത് നൽകുക. ശേഷം കരം ഒടുക്കിയ രസീതിൽ കാണിച്ചിരിക്കുന്ന ബ്ലോക്ക് നമ്പരും സർവ്വേ നമ്പറും നൽകി(ഉദാഹരണത്തിന് ബ്ലോക്ക് നമ്പർ 32 ഉം സർവ്വേ നമ്പർ 148 ഉം ആണെങ്കിൽ 032I148 എന്ന് നൽകണം. സബ് സർവ്വേ നമ്പർ കൊടുക്കേണ്ടതില്ല.) സബ്മിറ്റ് കൊടുക്കുമ്പോൾ കാണിക്കുന്ന Select owner identifier number എന്നതിൽ കരം ഒടുക്കിയ രസീതിൽ കാണിച്ചിരിക്കുന്ന ഭൂഉടമയുടെ പേരും മറ്റും കാണിക്കും. അത് കൃത്യമാണോയെന്ന് പരിശോധിച്ച് സെലക്ട് ചെയ്ത് സബ്മിറ്റ് കൊടുക്കണം.
തുടർന്ന് verifie all lands കൊടുക്കുക. ശേഷം Approving എന്നിടത്ത് Agriculture Revanue എന്നിടത്ത് Revanue എന്ന് Select ചെയ്യണം. ഇവിടെ ഒരു കാരണവശാലും Agriculture എന്ന് Select ചെയ്യരുത്. തുടർന്ന് proceed to e- Sign കൊടുക്കുക. അപ്പോൾ കാണുന്ന വിൻഡോയിൽ ചെക്ക്ബോക്സ് ടിക്ക് ചെയ്ത് താഴെ ആധാർ നമ്പർ കൊടുത്ത് Send otp കൊടുക്കുക. ഫോണിലേക്ക് വരുന്ന otp നൽകി സബ്മിറ്റ് കൊടുത്ത് രജിസ്ട്രേഷൻ നടപടികൾ പൂർത്തിയാക്കാം.