CLAT REGISTRATION

(Common Law Admission Test) 2026

നിയമപഠനത്തിന് ക്ലാറ്റ് : കോമൺ ലോ അഡ്‌മിഷൻ ടെസ്‌റ്റ് അപേക്ഷിക്കാം

കൊച്ചിയിലെ നുവാൽസ് ഉൾപ്പെടെ രാജ്യത്തെ 25 ദേശീയ നിയമ സർവകലാശാലകളിലെ 5 വർഷ അണ്ടർ ഗ്രാജ്വേറ്റ് പ്രോഗ്രാമുകളിലേക്കുള്ള പ്രവേശന പരീക്ഷയായ CLAT (കോമൺ ലോ അഡ്മിഷൻ ടെസ്റ്റ്) ന് ഒക്ടോബർ 31 രാത്രി 11.59 വരെ അപേക്ഷിക്കാം.

അപേക്ഷാ ഫീസ് 4000 രൂപയാണ്; പട്ടികജാതി, ഭിന്നശേഷി, ബിപിഎൽ വിഭാഗക്കാർക്ക് 3500 രൂപ. ബാങ്ക് ചാർജ് അധികമായി വരും.

5-വർഷ അണ്ടർ ഗ്രാജേറ്റ് പ്രോഗ്രാം

5-വർഷ ഇന്റഗ്രേറ്റഡ് ബിഎ / ബിഎസ്‌സി / ബികോം / ബിബിഎ /ബിഎസ്‌ഡബ്ല്യു എൽഎൽബി (ഓണേഴ്‌സ്) പ്രോഗ്രാമുകൾ വിവിധ സർവകലാശാലകളിലുണ്ട്. ഗാന്ധിനഗറിൽ ഇവയെല്ലാമുണ്ട്. ഓരോ ക്യാംപസിലെയും പ്രോഗ്രാമുകൾ അതതു വെബ്സൈറ്റുകളിലോ ബ്രോഷറുകളിലോ നോക്കി മനസ്സിലാക്കാം. ബ്രോഷറുകൾ Participating Universities ലിങ്കിലുണ്ട്.

യോഗ്യത:

45% മാർക്കോടെ 12-ാം ക്ലാസ് ജയം; ഇപ്പോൾ 12 ൽ പഠിക്കുന്നവർക്കും അപേക്ഷിക്കാം. പട്ടിക, ഭിന്നശേഷി വിഭാഗക്കാർക്ക് 40% മാർക്ക് മതി. ഐച്‌ഛികവിഷയങ്ങൾ ഏതുമാകാം. ഉയർന്ന പ്രായപരിധിയില്ല.

പ്രവേശനപരീക്ഷ: ഡിസംബർ 7ന് ഉച്ചയ്ക്കു 2 മുതൽ 4 വരെ ഓഫ്ലൈനായി നടത്തും. കേരളത്തിലും പരീക്ഷയെഴുതാം. ടെസ്‌റ്റിൽ 5 വിഭാഗങ്ങൾ. ആകെ 120 മൾട്ടിപ്പിൾ ചോയ്‌സ് ചോദ്യങ്ങൾ, 120 മാർക്ക്. തെറ്റൊന്നിന് 0.25 മാർക്ക് കുറയ്ക്കും. സിലബസിന്റെ സൂചന സൈറ്റിലുണ്ട്. ചോദ്യമാതൃക പിന്നീടു സൈറ്റിൽ വരും.

ഒരുവർഷ എൽഎൽഎം

യോഗ്യത: 50% മാർക്കോടെ എൽഎൽബി / തുല്യപരീക്ഷ

ജയിച്ചവർക്കും 2026 ഏപ്രിൽ / മേയ് സമയം യോഗ്യതാപരീക്ഷ എഴുതുന്നവർക്കും അപേക്ഷിക്കാം. പട്ടിക, ഭിന്നശേഷി വിഭാഗക്കാർക്ക് 45% മാർക്ക് മതി. പ്രായപരിധിയില്ല. തീയതിക്രമം അണ്ടർ ഗ്രാഡ്വേറ്റിൻ്റേതു പോലെത്തന്നെ.

പ്രവേശനപരീക്ഷ: 2 മണിക്കൂർ പരീക്ഷയിൽ 120 മൾട്ടിപ്പിൾ ചോയ്സ് ചോദ്യം. 120 മാർക്ക്. തെറ്റൊന്നിന് 0.25 മാർക്ക് കുറയ്ക്കും.

കൊച്ചി നുവാൽസ്

കളമശ്ശേരിയിൽ പ്രവർത്തിക്കുന്ന ദ് നാഷനൽ യൂണിവേഴ്‌സിറ്റി ഓഫ് അഡ്വാൻസ്ഡ് ലീഗൽ സ്‌റ്റഡീസിലെ (നുവാൽസ്) പ്രോഗ്രാമുകൾ ഇവ

1 ഇന്റഗ്രേറ്റഡ് ബിഎ എൽഎൽബി (ഓണേഴ്‌സ്): 60 സീറ്റ്. ഇതിൽ ഓൾ ഇന്ത്യ കാറ്റഗറി 31, സംസ്‌ഥാന കാറ്റഗറി 29.

സംസ്ഥാന കാറ്റഗറിയിൽ പിന്നാക്ക, പട്ടിക വിഭാഗസംവരണമുണ്ട്. കേരളത്തിൽ സംവരാണവകാശമുള്ള പിന്നാക്കവിഭാഗക്കാർക്കു പ്രവേശനത്തിനു 42% മാർക്കു മതി. 60 സീറ്റിനു പുറമേ കേരളത്തിലെ സാമ്പത്തികപിന്നാക്ക വിഭാഗം (6 സീറ്റ്) ട്രാൻസ്ജെൻഡർ (2), ജമ്മു-കശ്‌മീർ സ്വദേശികൾ (2) സീറ്റ് എന്നിങ്ങനെ അധികക്വോട്ടയുണ്ട്. ഇവയിലേക്കു ക്ലാറ്റ് വഴി തന്നെയാണു പ്രവേശനം. വാർഷിക ട്യൂഷൻഫീ 1,65,000 രൂപ. മറ്റു ഫീസ് പുറമേ. സർവകലാശാല നേരിട്ടു തിരഞ്ഞെടുക്കുന്ന 6 എൻആർഐ -സ്പോൺസേഡ് വിദ്യാർഥികൾക്കും 2 വിദേശികൾക്കും അധികസീറ്റുകൾ വകയിരുത്തിയിട്ടുണ്ട്. ഇവയിലെ പ്രവേശനത്തിന് ക്ലാറ്റ് എഴുതേണ്ട; സർവകലാശാലയിലേക്കു നേരിട്ട് അപേക്ഷിച്ചാൽ മതി.

2ഒരു വർഷ എൽഎൽഎം (കോൺസ്‌റ്റിറ്റ്യൂഷനൽ ആൻഡ് അഡ്മിനിസ്ട്രേറ്റീവ് ലോ / ഇൻ്റർനാഷനൽ ട്രേഡ് ലോ / പബ്ലിക് ഹെൽത്ത് ലോ). ആകെ 60 സീറ്റ്. സൂപ്പർന്യൂമററി സീറ്റുകൾ വേറെ. വാർഷികട്യൂഷൻ ഫീ 1,29,000 രൂപ. മറ്റു ഫീസ് പുറമേ.

അപേക്ഷിക്കേണ്ട വിധം:

ഔദ്യോഗിക CLAT വെബ്സൈറ്റ് സന്ദർശിക്കുക.
"പുതിയ രജിസ്ട്രേഷൻ" ലിങ്കിൽ ക്ലിക്ക് ചെയ്യുക.
സാധുവായ ഒരു ഇമെയിൽ ഐഡിയും മൊബൈൽ നമ്പറും ഉപയോഗിച്ച് രജിസ്റ്റർ ചെയ്യുക.
നിങ്ങളുടെ മൊബൈൽ നമ്പറിലേക്ക് അയച്ച OTP ഉപയോഗിച്ച് നിങ്ങളുടെ രജിസ്ട്രേഷൻ പരിശോധിക്കുക.
നിങ്ങളുടെ യോഗ്യതാപത്രങ്ങൾ ഉപയോഗിച്ച് ലോഗിൻ ചെയ്യുക.
നിങ്ങളുടെ വ്യക്തിപരവും അക്കാദമിക്വുമായ വിശദാംശങ്ങൾ ഉപയോഗിച്ച് അപേക്ഷാ ഫോം പൂരിപ്പിക്കുക.
ഫോട്ടോ, ഒപ്പ്, കാറ്റഗറി സർട്ടിഫിക്കറ്റ് (ബാധകമെങ്കിൽ) എന്നിവയുൾപ്പെടെ സ്കാൻ ചെയ്ത രേഖകൾ അപ്‌ലോഡ് ചെയ്യുക.
അപേക്ഷാ ഫീസ് ഓൺലൈനായി അടയ്ക്കുക.
ഫോം സമർപ്പിച്ച് ഭാവി റഫറൻസിനായി സ്ഥിരീകരണ പേജ് ഡൗൺലോഡ് ചെയ്യുക.