TECHNICAL HIGH SCHOOL ADMISSION KERALA
ടെക്നിക്കൽ ഹൈസ്കൂളുകളിലേക്കുള്ള പ്രവേശനം
സർക്കാർ ടെക്നിക്കൽ ഹൈസ്കൂൾ പ്രവേശനത്തിന് അപേക്ഷ തീയതി നീട്ടി
ടെക്നിക്കൽ ഹൈസ്കൂൾ പഠനം പൊതു വിദ്യാഭ്യാസ വിഷയങ്ങൾക്ക് പുറമെ സാങ്കേതികവും ഉല്പാദനോന്മുഖമായ വിവിധ തൊഴിലുകൾക്ക് വിദ്യാർത്ഥികളെ സജ്ജരാക്കുന്നതാണ് . പൊതു വിദ്യാഭ്യാസ പാഠ്യക്രമവും സാങ്കേതിക വിദ്യാഭ്യാസവും സംയോജിപ്പിച്ചു കൊണ്ട് അഭിരുചിക്കനുസരിച്ച തൊഴിൽ മേഖലയിൽ വൈദഗ്ധ്യം നേടുന്നതിന് വിദ്യാർഥികളെ ഈ പ്രോഗ്രാം പ്രാപ്തരാക്കുന്നു . സാങ്കേതിക മേഖലയിലുള്ള അടിസ്ഥാന പരിജ്ഞാനവും, ഏതെങ്കിലും ഒരു തൊഴിൽ മേഖലയി ലുള്ള വൈദഗ്ധ്യവും ഒരുത്തമ പൗരന് വേണ്ട സാമാന്യ ജ്ഞാനവും ലഭിക്കത്തക്ക പാഠ്യക്രമമാണ് ടെക്നിക്കൽ ഹൈസ്കൂൾ വിദ്യാഭ്യാസ രീതിയെ വ്യത്യസ്തമാക്കുന്നത്. എഞ്ചിനീയറിംഗിലോ ശാസ്ത്ര സാങ്കേതിക മേഖലകളിലോ ഉപരിപഠനത്തിന് ഈ വിദ്യാഭ്യാസ പദ്ധതി ശക്തമായ അടിത്തറ നൽകും.
- ടെക്നിക്കൽ ഹൈസ്കൂൾ സർട്ടിഫിക്കറ്റ് (ടി.എച്ച്.എസ്.എൽ.സി.), എസ്.എസ്.എൽ.സി, സർട്ടിഫിക്കറ്റിന് തുല്യമാണ്.
- എസ്.എസ്.എൽ.സി പാസ്സായ വിദ്യാർത്ഥികൾക്ക് ലഭ്യമാകുന്ന ഉപരിപഠന സാദ്ധ്യതകൾക്ക് ടി.എച്ച്.എസ്.എൽ.സി പാസ്സാകുന്ന വിദ്യാർത്ഥികൾക്കും അർഹത ഉണ്ടായിരിക്കുന്നതാണ്. കൂടാതെ പോളിടെക്നിക്കുകളിലേക്കുള്ള പ്രവേശനത്തിന് ടെക്നിക്കൽ ഹൈസ്ക്കൂൾ പരീക്ഷ പാസ്സായ വിദ്യാർത്ഥികൾക്ക് 10% സീറ്റ് പ്രത്യേകമായി സംവരണം ചെയ്തിട്ടുണ്ട്.
എട്ടാം ക്ലാസ്സിൽ മുതൽ കുട്ടികൾക്ക് എൻജിനിയറിങ് വിദ്യാഭ്യാസം നൽകുന്ന സർക്കാർ ടെക്നിക്കൽ ഹൈസ്കൂളിൽ പ്രവേശനത്തിന് https://ths.polyadmission.org/ ലിങ്ക് വഴി മാർച്ച് 10 മുതൽ ഓൺലൈനായി അപേക്ഷിക്കാം. വിദ്യാർഥികൾക്ക് പൊതുവിദ്യാഭ്യാസത്തോടോപ്പം തന്നെ 6 സ്പെഷ്യലിസ്റ്റ് ട്രേഡുകളിൽ (ഫിറ്റിങ്, വെൽഡിങ്, ഇലക്ട്രിക്കൽ വയറിങ് & മെയിന്റനൻസ് ഓഫ് ഡൊമസ്റ്റിക് അപ്ലയൻസസ്, ആട്ടോമൊബൈൽ, ടേണിങ് & ഇലക്ട്രോപ്ലേറ്റിംഗ്) സാങ്കേതിക പരിജ്ഞാനം നേടാം. അപേക്ഷ സമർപ്പിക്കുന്നതിനുള്ള അവസാന തീയതി ഏപ്രിൽ 18. വിശദവിവരങ്ങൾക്ക്: 9846170024, 7907788350, 9446686362, 9645814820, 7907938093, 9645888216, 6235762545.
അഭിരുചി പരീക്ഷയുടെ അടിസ്ഥാനത്തിൽ സംവരണ മാനദണ്ഡങ്ങൾ പാലിച്ചായിരിക്കും വിദ്യാർത്ഥികളെ തെരഞ്ഞെടുക്കുന്നത്. 7-ാം ക്ലാസ് നിലവാരത്തിലുള്ള ഇംഗ്ലീഷ്, കണക്ക്, ഫിസിക്സ്, കെമിസ്ട്രി, പൊതു വിജ്ഞാനം, മെന്റൽ എബിലിറ്റി എന്നീ വിഷയങ്ങളിൽ നിന്നുമായിരിക്കും പരീക്ഷയ്ക്കുള്ള ചോദ്യങ്ങൾ. തെരഞ്ഞെടുപ്പ് രീതി-
യോഗ്യരായ അപേക്ഷകരിൽ നിന്നും സാങ്കേതിക വിദ്യാഭ്യാസ വകുപ്പ് നടത്തുന്ന അഭിരുചി പരീക്ഷയുടെ (Aptitude Test) അടിസ്ഥാനത്തിൽ സംവരണ തത്വങ്ങൾക്ക് വിധേയമായാണ് വിദ്യാർത്ഥികളെ തെരഞ്ഞെടുക്കുന്നത്.പ്രവേശനം സംബന്ധിച്ചുള്ള വിവരങ്ങൾക്ക്
Single Window Admission to Technical High Schools വെബ്സൈറ്റ് സന്ദർശിക്കുക.
പ്രോഗ്രാം കാലാവധി : 8, 9, 10 എന്നീ ക്ലാസ്സുകളിലായി ഈ പാഠ്യപദ്ധതിയുടെ കാലാവധി 3 വർഷമാണ്.
പ്രവേശന യോഗ്യത : അപേക്ഷകൻ ഏഴാം ക്ലാസ്സ് പൂർത്തീകരിച്ച് എട്ടാം ക്ലാസ്സ് പ്രവേശന യോഗ്യത നേടിയവരായിരിക്കണം.
പ്രായ പരിധി : 2026 ജൂൺ ഒന്നാം തീയതി 16 വയസ്സ് പൂർത്തിയാകാത്തവർ ആയിരിക്കണം.
ശാരിരിക യോഗ്യത : അപേക്ഷകർ തുടർച്ചയായുള്ള വർക്ക്ഷോപ്പ് പരിശീലനത്തിന് മതിയായ ശാരീരിക ക്ഷമതയുള്ളവരും സാങ്കേതിക തൊഴിലിനോട് അഭിരുചിയുള്ളവരും ആയിരിക്കണം.
സ്ഥാപനങ്ങൾ, ട്രേഡുകൾ എന്നിവയെ പറ്റി കൂടുതൽ അറിയാൻ വെബ്സൈറ്റിൽ നൽകിയിട്ടുള്ള പ്രോസ്പെക്ട്സ് വായിക്കുക.
കൂടുതൽ വിവരങ്ങൾക്ക് വിജ്ഞാപനം വായിക്കുക.
അപേക്ഷ സമര്പ്പിക്കേണ്ട അവസാന തീയതി : 2026 ഏപ്രിൽ 18
ഓൺലൈനായി അപേക്ഷിക്കേണ്ട ലിങ്ക്: Single Window Admission to Technical High Schools
പുതുക്കിയ പോസ്റ്റർ USK Agent Login ൽ ലഭ്യമാണ്
ONE CLICK POSTER DOWNLOADING TOOL
USK login
നിരാകരണം:
ഈ വെബ്സൈറ്റിൽ അടങ്ങിയിരിക്കുന്ന വിവരങ്ങൾ അപ്ഡേറ്റും കൃത്യവുമാണെന്ന് ഉറപ്പാക്കാൻ ഞങ്ങൾ എല്ലാ ശ്രമങ്ങളും നടത്തുന്നുണ്ടെങ്കിലും, വെബ്സൈറ്റിൽ ലഭ്യമായ വിവരങ്ങളുടെയും ഉൽപ്പന്നങ്ങളുടെയും സേവനങ്ങളുടെയും സമ്പൂർണ്ണത, വിശ്വാസ്യത, കൃത്യത അല്ലെങ്കിൽ ലഭ്യത എന്നിവയെക്കുറിച്ച് ഇ സേവകൻ ഒരു ഉറപ്പും നൽകുന്നില്ല. ഇ സേവകൻ ബ്ലോഗുകൾ പൊതുവായ സേവനങ്ങളെയും അറിവുകളെയും കുറിച്ചുള്ള ചർച്ചയ്ക്കുള്ളതാണ്.
"ഞങ്ങൾ നൽകുന്ന വിവരങ്ങൾ മറ്റു ലിങ്കുകൾ ഭാവിയിൽ മാറ്റങ്ങൾ വന്നേക്കാം. അത്തരത്തിൽ വരുന്ന മാറ്റങ്ങൾ നിങ്ങളുടെ ശ്രെദ്ധയിൽ പെടുകയാണെങ്കിൽ താഴെ കമന്റ് ബോക്സിൽ രേഖപ്പെടുത്തുക."
