JAM (JOINT ADMISSION TEST FOR MASTERS) REGISTRATION

ജാം (JAM ) രജിസ്ട്രേഷൻ ആരംഭിച്ചു.

രാജ്യത്തെ ഏറ്റവും നിലവാരമുള്ള ശാസ്ത്ര സ്ഥാപനങ്ങളായ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് (ഐ.ഐ.എസ്.സി) ബംഗളൂരു കൂടാതെ രാജ്യത്തെ മികവുറ്റ പഠന കേന്ദങ്ങളായ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (ഐ.ഐ.ടി) എന്നിവയിലേയ്ക്കുള്ള പ്രവേശന പരീക്ഷയായ ജോയന്റ് അഡ്മിഷൻ ടെസ്റ്റ് (ജാം) അപേക്ഷിക്കാറായി.

രാജ്യത്തെ പ്രമുഖ ഐ.ഐ.ടികൾ (IITs), എൻ.ഐ.ടികൾ (NITs), ഐ.ഐ.എസ്.സി (IISc) തുടങ്ങിയ പ്രീമിയർ സ്ഥാപനങ്ങളിൽ ഉന്നതപഠനം ആഗ്രഹിക്കുന്ന വിദ്യാർത്ഥികൾക്ക് സുവർണ്ണാവസരം. ഖരഗ്പൂർ ഐ.ഐ.ടി (IIT Kharagpur) നടത്തുന്ന 2027-ലെ ജോയിൻ്റ് അഡ്മിഷൻ ടെസ്റ്റ് ഫോർ മാസ്റ്റേഴ്സ് (JAM 2027) പ്രവേശന പരീക്ഷയുടെ വിജ്ഞാപനം പ്രസിദ്ധീകരിച്ചു.

എം.എസ്.സി (M.Sc.), ജോയിൻ്റ് എം.എസ്.സി - പി.എച്ച്.ഡി (Joint M.Sc.- Ph.D.), എം.എസ്.സി - എം.ടെക് ഡ്യുവൽ ഡിഗ്രി, എം.എസ്.സി - പി.എച്ച്.ഡി ഡ്യുവൽ ഡിഗ്രി, ഇൻ്റഗ്രേറ്റഡ് പി.എച്ച്.ഡി (Integrated Ph.D.) തുടങ്ങി വിവിധ പ്രോഗ്രാമുകളിലേക്കാണ് JAM സ്കോർ വഴി പ്രവേശനം നൽകുന്നത്.

ഈ പരീക്ഷയുമായി ബന്ധപ്പെട്ട കൂടുതൽ വിവരങ്ങൾ താഴെ നൽകുന്നു:

പ്രധാന തീയതികൾ

ഓൺലൈൻ അപേക്ഷ ആരംഭിക്കുന്നത്: 2026 സെപ്റ്റംബർ 11.
അപേക്ഷിക്കാനുള്ള അവസാന തീയതി: 2026 ഒക്ടോബർ 19.
അഡ്മിറ്റ് കാർഡ് ലഭ്യമാകുന്നത്: 2027 ജനുവരി 05 മുതൽ.
പരീക്ഷാ തീയതി: 2027 ഫെബ്രുവരി 14 (ഞായറാഴ്ച).

പരീക്ഷാ വിഷയങ്ങൾ (Test Papers) ബയോടെക്നോളജി (BT), കെമിസ്ട്രി (CY), എക്കണോമിക്സ് (EN), ജിയോളജി (GG), മാത്തമാറ്റിക്സ് (MA), മാത്തമാറ്റിക്കൽ സ്റ്റാറ്റിസ്റ്റിക്സ് (MS), ഫിസിക്സ് (PH) എന്നീ 7 വിഷയങ്ങളിലാണ് പരീക്ഷ നടക്കുന്നത്. ഉദ്യോഗാർത്ഥികൾക്ക് താല്പര്യമുള്ള ഒന്നോ അല്ലെങ്കിൽ രണ്ടോ വിഷയങ്ങളിൽ പരീക്ഷയെഴുതാവുന്നതാണ്.

അപേക്ഷിക്കാനുള്ള യോഗ്യതകൾ

അംഗീകൃത സർവ്വകലാശാലയിൽ നിന്നും ബിരുദം (Undergraduate degree) പൂർത്തിയാക്കിയവർക്കും, 2027-ൽ ബിരുദ ഫൈനൽ ഇയർ പരീക്ഷ എഴുതുന്നവർക്കും ഈ പരീക്ഷയ്ക്ക് അപേക്ഷിക്കാം.
അപേക്ഷകർക്ക് ഉയർന്ന പ്രായപരിധി നിശ്ചയിച്ചിട്ടില്ല (No age restriction).
ഇന്ത്യക്കാർക്ക് പുറമെ വിദേശ വിദ്യാർത്ഥികൾക്കും ഈ പരീക്ഷ എഴുതാവുന്നതാണ്.

പരീക്ഷാ രീതി പൂർണ്ണമായും കമ്പ്യൂട്ടർ അധിഷ്ഠിത പരീക്ഷയായിരിക്കും (Computer Based Test - CBT) ഇത്. 100 മാർക്കിന്റെ 60 ചോദ്യങ്ങളാണുണ്ടാകുക (സമയദൈർഘ്യം: 3 മണിക്കൂർ). മൾട്ടിപ്പിൾ ചോയ്‌സ് ചോദ്യങ്ങൾ (MCQ), മൾട്ടിപ്പിൾ സെലക്ട് ചോദ്യങ്ങൾ (MSQ), ന്യൂമറിക്കൽ ആൻസർ ടൈപ്പ് (NAT) ചോദ്യങ്ങൾ എന്നിവ പരീക്ഷയിലുണ്ടാകും. Section A-യിലെ MCQ ചോദ്യങ്ങൾക്ക് നെഗറ്റീവ് മാർക്ക് ഉണ്ടായിരിക്കുന്നതാണ്.

അപേക്ഷാ ഫീസ്

വനിതകൾ, SC/ST, ഭിന്നശേഷിക്കാർ (PwD): ഒരു പേപ്പറിന് അപേക്ഷിക്കാൻ 1000 രൂപയും, രണ്ട് പേപ്പറുകൾക്ക് 1350 രൂപയും.
മറ്റുള്ളവർക്ക് (General/OBC): ഒരു പേപ്പറിന് അപേക്ഷിക്കാൻ 2000 രൂപയും, രണ്ട് പേപ്പറുകൾക്ക് 2700 രൂപയും.

എങ്ങനെ അപേക്ഷിക്കാം? ഉദ്യോഗാർത്ഥികൾ https://jam.iitkgp.ac.in എന്ന ഔദ്യോഗിക JOAPS പോർട്ടൽ വഴിയാണ് ഓൺലൈനായി അപേക്ഷകൾ സമർപ്പിക്കേണ്ടത്. അപേക്ഷിക്കുന്ന സമയത്ത് നിങ്ങളുടെ ഫോട്ടോ, ഒപ്പ്, പത്താം ക്ലാസ്സിലെ സർട്ടിഫിക്കറ്റ്, സംവരണം അവകാശപ്പെടുന്നവർ അതിനുള്ള സർട്ടിഫിക്കറ്റ് തുടങ്ങിയവ നിർബന്ധമായും അപ്‌ലോഡ് ചെയ്യേണ്ടതുണ്ട്.

പരീക്ഷാ കേന്ദ്രങ്ങൾ

ഐ.ഐ.ടി മദ്രാസ്, ഐ.ഐ.എസ്.സി ബംഗളൂരു അടക്കം എട്ടു മേഖലകളിലായി നടത്തുന്ന പരീക്ഷക്ക് കേരളത്തിൽ തിരുവനന്തപുരം, കൊല്ലം, കോട്ടയം, ആലപ്പുഴ, എറണാകുളം, തൃശൂർ, കോഴിക്കോട്, വടകര, പാലക്കാട്, കണ്ണൂർ, പരീക്ഷ കേന്ദ്രങ്ങളാണ്. അപേക്ഷാർത്ഥികൾക്ക്, മുൻഗണനക്രമത്തിൽ മൂന്നു കേന്ദ്രങ്ങൾ തെരഞ്ഞെടുക്കാവുന്നതാണ്.

അപേക്ഷാ ഫീസ്

ഒറ്റ പേപ്പറിന് 2000/- രൂപയാണ്, അപേക്ഷാഫീസ്. വനിതകൾക്കും എസ്.സി/ എസ്.ടി/ പി.ഡബ്ല്യു.ഡി വിഭാഗങ്ങളിൽ പെടുന്നവർക്കും 1000/- രൂപ മതി.രണ്ട് ടെസ്റ്റ് പേപ്പറുകൾ എഴുതുന്നവർ യഥാക്രമം 2700/-, 1350/- രൂപയും ഫീസ് നൽകേണ്ടതാണ്.

ഗേറ്റ് 2025-ന് അപേക്ഷിക്കാനുള്ള ഘട്ടങ്ങൾ