B.TECH LATERAL ENTRY ADMISSION
ബി.ടെക് ലാറ്ററൽ എൻട്രി അപേക്ഷ
2026-27 ലെ എഞ്ചിനിയറിംഗ് ഡിഗ്രി (ലാറ്ററൽ എൻട്രി/ വർക്കിംഗ് പ്രൊഫഷണൽ) കോഴ്സുകളിലേയ്ക്കുള്ള പ്രവേശനം കേരളത്തിലെ എ.ഐ.സി.റ്റി.ഇ അംഗീകാരമുള്ള വിദ്യാഭ്യാസ സ്ഥാപനങ്ങളിലെ 2026-27 വർഷത്തെ എഞ്ചിനിയറിംഗ് ഡിഗ്രി (B.Tech through Lateral Entry) കോഴ്സുകളിലേയ്ക്ക് ലാറ്ററൽ എൻട്രി വഴിയുള്ള പ്രവേശനത്തിന് അപേക്ഷകൾ ക്ഷണിക്കുന്നു. അപേക്ഷകർക്ക് https://lbscentre.kerala.gov.in/ എന്ന വെബ്സൈറ്റ് വഴി ഓൺലൈനായി 2026 ഏപ്രിൽ 29 മുതൽ മെയ് 25 വരെ അപേക്ഷാ ഫീസ് ഒടുക്കാവുന്നതാണ്. ഓൺലൈൻ അപേക്ഷാ സമർപ്പണം 2026 മെയ് 26 വരെ. അപേക്ഷാ ഫീസ് പൊതു വിഭാഗത്തിന് 1100 രൂപയും പട്ടികജാതി/ പട്ടികവർഗ്ഗ വിഭാഗത്തിന് 550 രൂപയുമാണ്. ബി.ടെക് വർക്കിംഗ് പ്രൊഫഷണൽ പ്രവേശനം താല്പര്യമുള്ളവരും ഈ പ്രവേശന പരീക്ഷ എഴുതി യോഗ്യത നേടേണ്ടതാണ്. അപേക്ഷാഫീസ് യാതൊരു കാരണവശാലും തിരികെ നൽകുന്നതല്ല. (വിശദവിവരങ്ങൾക്ക് പ്രോസ്പെക്ട്സ് സന്ദർശിക്കുക).
വിദ്യാഭ്യാസ യോഗ്യത:
3 വർഷം/2 വർഷം(ലാറ്ററൽ എൻട്രി) ദൈർഘ്യമുള്ള എഞ്ചിനിയറിംഗ് ടെക്നോളജി ഡിപ്ലോമ
അല്ലെങ്കിൽ
10+2 തലത്തിൽ മാത്തമാറ്റിക്സ് ഒരു വിഷയമായി പഠിച്ച്, യു.ജി.സി. അംഗീകൃത സർവ്വകലാശാലയിൽ നിന്നും നേടിയ ബി.എസ്.സി ബിരുദം.
അല്ലെങ്കിൽ
സംസ്ഥാന സാങ്കേതിക വിദ്യാഭ്യാസ ബോർഡ്/ഇന്ത്യാ ഗവൺമെൻ്റിന് കീഴിലുള്ള സ്ഥാപനങ്ങൾ/-എ.ഐ.സി.റ്റി.ഇ അംഗീകൃത സ്ഥാപനങ്ങൾ നിന്ന് നേടിയ ബി.വോക് /3 വർഷ ഡി.വോക്ക്.
- അപേക്ഷകർ മുകളിൽ പറഞ്ഞിട്ടുള്ള വിദ്യാഭ്യാസ യോഗ്യത പ്രോസ്പെക്ടസ്സിലെ ഖണ്ഡിക 4. 1/4.1.1/ 4.1.2 പ്രകാരം പാസ്സായിരിക്കുകയും അതോടൊപ്പം ലാറ്ററൽ എൻട്രി പ്രവേശന പരീക്ഷയിൽ യോഗ്യത നേടുകയും വേണം. (വിശദാംശങ്ങൾക്കു പ്രോസ്പെക്ട്സ് പരിശോധിക്കുക).
- വ്യത്യസ്ത മേഖലകളിൽ നിന്നും യോഗ്യത നേടിയവർക്ക് യൂണിവേഴ്സിറ്റി തലത്തിൽ നിർദ്ദേശിക്കുന്ന ഒരു ബ്രിഡ്ജ് കോഴ്സിൽ യോഗ്യത നേടേണ്ടതായിവരും.
- മേൽപ്പറഞ്ഞ യോഗ്യത പരീക്ഷയ്ക്കുള്ള അവസാന വർഷ പരീക്ഷ ഈ വർഷം എഴുതുന്നവർക്കും/എഴുതി ഫലം കാത്തിരിക്കുന്നവർക്കും പ്രവേശന പരീക്ഷയ്ക്ക് അപേക്ഷിക്കാവുന്നതാണ്. പ്രവേശന സമയത്ത് അപേക്ഷാർത്ഥികൾ വിദ്യാഭ്യാസ യോഗ്യത നേടിയിരിക്കേണ്ടതാണ്.
- UGC അംഗീകാരമുള്ള യൂണിവേഴ്സിറ്റികളിൽ നിന്നും യോഗ്യത നേടിയവർക്ക് Equivalency/Eligibility സർട്ടിഫിക്കറ്റ് ആവശ്യമില്ല.
- പ്രത്യേക ശ്രദ്ധയ്ക്ക്: ബി. ടെക് വർക്കിംഗ് പ്രൊഫഷണൽ കോഴ്സിലേക്കുള്ള പ്രവേശനം പ്രോസ്പെക്ടസിലെ സെക്ഷൻ 9 പ്രകാരമുള്ള നിബന്ധനകളും വ്യവസ്ഥകളും പ്രകാരം ആയിരിക്കും. ബി.ടെക് വർക്കിംഗ് പ്രൊഫഷണൽ കോഴ്സിലേക്ക് കേന്ദ്രികൃത അലോട്ട്മെന്റ്റ് ഉണ്ടാകുന്നതല്ല.
കൂടുതൽ വിവരങ്ങൾക്ക് 0471-2324396, 2560327 എന്നീ നമ്പറുകളിൽ ബന്ധപ്പെടുക.
കൂടുതൽ വിവരങ്ങൾക്ക് വിജ്ഞാപനം വായിക്കുക.
അപേക്ഷ സമര്പ്പിക്കേണ്ട അവസാന തീയതി : 2026 മെയ് 26
Official Website: https://lbscentre.kerala.gov.in/
കൂടുതൽ വിവരങ്ങൾക്ക്: BTech Lateral Entry
ഫോൺ : 0472324396. 2560327, 2560363, 2560364
ഓൺലൈനായി അപേക്ഷിക്കേണ്ട ലിങ്ക്: Apply BTech Lateral Entry
ONE CLICK POSTER DOWNLOADING TOOL
USK login
നിരാകരണം:
ഈ വെബ്സൈറ്റിൽ അടങ്ങിയിരിക്കുന്ന വിവരങ്ങൾ അപ്ഡേറ്റും കൃത്യവുമാണെന്ന് ഉറപ്പാക്കാൻ ഞങ്ങൾ എല്ലാ ശ്രമങ്ങളും നടത്തുന്നുണ്ടെങ്കിലും, വെബ്സൈറ്റിൽ ലഭ്യമായ വിവരങ്ങളുടെയും ഉൽപ്പന്നങ്ങളുടെയും സേവനങ്ങളുടെയും സമ്പൂർണ്ണത, വിശ്വാസ്യത, കൃത്യത അല്ലെങ്കിൽ ലഭ്യത എന്നിവയെക്കുറിച്ച് ഇ സേവകൻ ഒരു ഉറപ്പും നൽകുന്നില്ല. ഇ സേവകൻ ബ്ലോഗുകൾ പൊതുവായ സേവനങ്ങളെയും അറിവുകളെയും കുറിച്ചുള്ള ചർച്ചയ്ക്കുള്ളതാണ്.
"ഞങ്ങൾ നൽകുന്ന വിവരങ്ങൾ മറ്റു ലിങ്കുകൾ ഭാവിയിൽ മാറ്റങ്ങൾ വന്നേക്കാം. അത്തരത്തിൽ വരുന്ന മാറ്റങ്ങൾ നിങ്ങളുടെ ശ്രെദ്ധയിൽ പെടുകയാണെങ്കിൽ താഴെ കമന്റ് ബോക്സിൽ രേഖപ്പെടുത്തുക."
