INSPIRE FELLOWSHIP

ഇൻസ്പയർ ഫെലോഷിപ്പ്

ശാസ്ത്ര ഗവേഷണത്തിന് കേന്ദ്ര സർക്കാരിന്റെ ഇൻസ്പയർ (INSPIRE) ഫെലോഷിപ്പ്: ശാസ്ത്രങ്ങളിൽ ഗവേഷണത്തിൽ വിദ്യാർത്ഥികളെ ആകർഷിക്കുന്നതിനുമായി ശാസ്ത്ര സാങ്കേതിക വകുപ്പിന്റെ (DST) ആഭിമുഖ്യത്തിൽ INSPIRE (Innovation in Science Pursuit for Inspired Research) പദ്ധതിക്ക് കീഴിൽ ഫെലോഷിപ്പുകൾ നൽകുന്നു. സയൻസ്, എഞ്ചിനീയറിംഗ്, മെഡിസിൻ തുടങ്ങിയ മേഖലകളിൽ പിഎച്ച്.ഡി (Ph.D.) ഗവേഷണം നടത്തുന്നതിനായി കേന്ദ്ര ശാസ്ത്ര സാങ്കേതിക വകുപ്പ് (DST) നൽകുന്ന ഇൻസ്പയർ ഫെലോഷിപ്പിന് (INSPIRE Fellowship) അപേക്ഷ ക്ഷണിച്ചു. നാഷണൽ എലിജിബിലിറ്റി ടെസ്റ്റ് (NET) പാസായവർക്ക് ലഭിക്കുന്നതിന് തുല്യമായ ഫെലോഷിപ്പാണ് ഇതിലൂടെ വിദ്യാർത്ഥികൾക്ക് ലഭിക്കുന്നത്.

ആർക്കൊക്കെ അപേക്ഷിക്കാം? (യോഗ്യതകൾ)

താഴെ പറയുന്ന യോഗ്യതകളുള്ള, 22 മുതൽ 27 വയസ്സ് വരെ പ്രായമുള്ള വിദ്യാർത്ഥികൾക്കാണ് പ്രധാനമായും അപേക്ഷിക്കാൻ സാധിക്കുക:

ബേസിക്/അപ്ലൈഡ് സയൻസ്, എഞ്ചിനീയറിംഗ്, ഫാർമസി, അഗ്രികൾച്ചർ, മെഡിസിൻ, വെറ്ററിനറി സയൻസ് എന്നിവയിലൊന്നിൽ ബിരുദാനന്തര ബിരുദ (PG) തലത്തിൽ ഒന്നാം റാങ്ക് നേടിയവർക്ക് അപേക്ഷിക്കാം. ഇതിൽ കുറഞ്ഞത് 70% മാർക്കോ തത്തുല്യ ഗ്രേഡോ ഉണ്ടായിരിക്കണം. മാത്രമല്ല, കുറഞ്ഞത് 7 വിദ്യാർത്ഥികളെങ്കിലും ഉള്ള ബാച്ചിൽ നിന്നായിരിക്കണം ഒന്നാം റാങ്ക് കരസ്ഥമാക്കിയത്.
ബിരുദ തലത്തിൽ പഠിക്കുമ്പോൾ ഇൻസ്പയർ സ്കോളർഷിപ്പ് (INSPIRE Scholar) ലഭിച്ചിട്ടുള്ള, എം.എസ്.സി (M.Sc) അല്ലെങ്കിൽ ഇന്റഗ്രേറ്റഡ് എം.എസ്/എം.എസ്.സി കോഴ്സുകളിൽ 70% മാർക്ക് നേടിയ വിദ്യാർത്ഥികൾക്കും അപേക്ഷിക്കാം.
എഞ്ചിനീയറിംഗ്, മെഡിസിൻ ഉൾപ്പെടെയുള്ള ബിരുദ (UG) കോഴ്സുകളിൽ 75% മാർക്കോടെ ഒന്നാം റാങ്ക് നേടിയവർക്കും അപേക്ഷിക്കാൻ അവസരമുണ്ട്.
2024, 2025, 2026 വർഷങ്ങളിൽ യോഗ്യത നേടിയ ഇന്ത്യൻ പൗരന്മാർക്കാണ് അപേക്ഷിക്കാൻ അർഹതയുള്ളത്.

NSPIRE (SHE)സ്കോളർഷിപ്പ് നേടിയവർ:

M.Sc. അല്ലെങ്കിൽ Integreated M.S./M.Sc. പഠനത്തിൽ കുറഞ്ഞത് 70% മാർക്ക്. ,
B.Sc. (Hons.) (4 വർഷം) അല്ലെങ്കിൽ കുറഞ്ഞത് 4 വർഷം / 8 സെമസ്റ്റർ ദൈർഘ്യമുള്ള B.Sc. with Research കോഴ്സിൽ 75% മാർക്ക് അല്ലെങ്കിൽ തത്തുല്യ ഗ്രേഡ് നേടിയിരിക്കണം.

ആവശ്യമുള്ള രേഖകൾ:

സാക്ഷ്യപത്രങ്ങൾ
റിസർച്ച് പ്രൊപ്പോസൽ
സൂപ്പർവൈസറുടെ പ്രോഫൈൽ.(Phd ക്ക് ജോയിൻ ചെയ്തവർ)

മൂല്യനിർണയ ഘട്ടങ്ങൾ: PhD ചേർന്നവർ: രണ്ട് ഘട്ടങ്ങളിലായി (Level I, Level II) വിലയിരുത്തപ്പെടും. PhD പ്രവേശനം ലഭിച്ചിട്ടില്ലാത്തവർ: Level I-ൽ യോഗ്യത നേടുന്നവർക്ക് പ്രൊവിഷണൽ ഓഫർ ലഭിക്കും. പരിശോധന മാനദണ്ഡങ്ങൾ: അക്കാദമിക് മികവ്, സൂപ്പർവൈസറിന്റെ പ്രൊഫൈൽ, ഗവേഷണ പ്രോപ്പോസലിന്റെ ഗുണമേന്മ.

ഫെലോഷിപ്പ് ആനുകൂല്യങ്ങൾ

യോഗ്യരായ 1000 വിദ്യാർത്ഥികൾക്കാണ് ഈ വർഷം ഇൻസ്പയർ ഫെലോഷിപ്പ് ലഭിക്കുന്നത്.
പരമാവധി 5 വർഷത്തേക്കോ അല്ലെങ്കിൽ പിഎച്ച്.ഡി (Ph.D) പൂർത്തിയാകുന്നത് വരെയോ ആയിരിക്കും ഫെലോഷിപ്പ് ലഭിക്കുക.
കേന്ദ്ര സർക്കാർ മാനദണ്ഡങ്ങൾ അനുസരിച്ചുള്ള ജൂനിയർ/സീനിയർ റിസർച്ച് ഫെലോഷിപ്പും (JRF/SRF), അതോടൊപ്പം റിസർച്ച് ഗ്രാന്റും വിദ്യാർത്ഥികൾക്ക് ലഭിക്കുന്നതാണ്

എങ്ങനെ അപേക്ഷിക്കാം?

താല്പര്യമുള്ള വിദ്യാർത്ഥികൾ https://online-inspire.gov.in/എന്ന ഔദ്യോഗിക വെബ് പോർട്ടൽ വഴി ഓൺലൈനായി മാത്രമാണ് അപേക്ഷകൾ സമർപ്പിക്കേണ്ടത്. അപേക്ഷിക്കുന്നതിന് മുൻപായി പത്താം ക്ലാസ് സർട്ടിഫിക്കറ്റ് (ജനനത്തീയതി തെളിയിക്കാൻ), മാർക്ക് ലിസ്റ്റുകൾ, ഫസ്റ്റ് റാങ്ക് സർട്ടിഫിക്കറ്റ് തുടങ്ങിയവ നിർദ്ദിഷ്ട ഫോർമാറ്റിൽ സ്കാൻ ചെയ്ത് ഓൺലൈനായി അപ്‌ലോഡ് ചെയ്യേണ്ടതുണ്ട്. കൂടുതൽ വിവരങ്ങൾക്കും സംശയങ്ങൾക്കും 0124-6690020, 0124-6690021 എന്നീ ഹെൽപ്പ്‌ലൈൻ നമ്പറുകളിലോ inspire.prog-dst@nic.in എന്ന ഇമെയിലിലോ ബന്ധപ്പെടാവുന്നതാണ്. പിഎച്ച്.ഡി ചെയ്യാൻ ആഗ്രഹിക്കുന്ന വിദ്യാർത്ഥികൾ ഈ അവസരം പരമാവധി പ്രയോജനപ്പെടുത്തുക