ELECTION IDENTIFICATION DOCUMENTS
വോട്ട് ചെയ്യാൻ തിരിച്ചറിയൽ രേഖകൾ ഇവയാണ്
ഇഏപ്രിൽ ഒമ്പതിന് നടക്കുന്ന നിയമ സഭാ തിരഞ്ഞെടുപ്പിൽ വോട്ടർമാർക്ക് പോളിംഗ് സ്റ്റേഷനിൽ വോട്ട് രേഖപ്പെടുത്തുന്നതിനായി താഴെ പറയുന്ന ഏതെങ്കിലും ഒരു അംഗീകൃത ഫോട്ടോ പതിപ്പിച്ച തിരിച്ചറിയൽ രേഖ ഉപയോഗിക്കാവുന്നതാണെന്ന് തിരഞ്ഞെടുപ്പ് കമ്മീഷൻ അറിയിച്ചു.
വോട്ടർ പട്ടികയിൽ പേരുള്ളവർക്ക് വോട്ടർ ഐഡി കാർഡ് (EPIC) ഹാജരാക്കാൻ സാധിക്കാത്ത സാഹചര്യത്തിൽ താഴെ പറയുന്ന 12 രേഖകളിൽ ഒന്ന് തിരിച്ചറിയൽ രേഖയായി സ്വീകരിക്കുന്നതാണ്:
1,ആധാർ കാർഡ്
2,തൊഴിലുറപ്പ് പദ്ധതി ( എം എൻ ആർ ഇ ജി എ) ജോബ് കാർഡ്
3, ബാങ്ക്/പോസ്റ്റ് ഓഫീസ് നൽകുന്ന ഫോട്ടോ പതിപ്പിച്ച പാസ്ബുക്ക്
4, തൊഴിൽ മന്ത്രാലയത്തിന്റെ ആരോഗ്യ ഇൻഷുറൻസ് സ്മാർട്ട് കാർഡ് / ആയുഷ്മാൻ ഭാരത് ഹെൽത്ത് കാർഡ്
5, ഡ്രൈവിംഗ് ലൈസൻസ്
6, പാൻ കാർഡ്
7, എൻ.പി.ആർ സ്കീമിന് കീഴിൽ ആർ.ജി.ഐ നൽകിയ സ്മാർട്ട് കാർഡ്
8, ഇന്ത്യൻ പാസ്പോർട്ട്
9,ഫോട്ടോ പതിപ്പിച്ച പെൻഷൻ രേഖ
10, കേന്ദ്ര/സംസ്ഥാന സർക്കാരുകൾ അല്ലെങ്കിൽ പൊതുമേഖലാ സ്ഥാപനങ്ങൾ/ പബ്ലിക് ലിമിറ്റഡ് കമ്പനികൾ എന്നിവ ജീവനക്കാർക്ക് നൽകുന്ന ഫോട്ടോ പതിപ്പിച്ച ഐ ഡി കാർഡുകൾ
11, എം.പി/എം.എൽ.എ/എം.എൽ.സി മാർക്ക് നൽകിയിട്ടുള്ള ഔദ്യോഗിക തിരിച്ചറിയൽ കാർഡുകൾ
12, കേന്ദ്ര സാമൂഹിക നീതി ആൻഡ് ശാക്തീകരണ മന്ത്രാലയം നൽകുന്ന യുണീക് ഡിസബിലിറ്റി ( യു ഡി ഐ ഡി ) കാർഡ്.
വോട്ടേഴ്സ് ഐഡി കാർഡ് ഡിജിറ്റൽ കോപ്പി ഡൗൺലോഡ് ചെയ്യാം
ഇന്ത്യൻ തിരഞ്ഞെടുപ്പ് കമ്മീഷൻ (ECI) നൽകുന്ന വോട്ടർ ഐഡി കാർഡിന്റെ സുരക്ഷിതമായ ഡിജിറ്റൽ പതിപ്പാണ് (PDF രൂപം) e-EPIC. ഇത് മൊബൈലിൽ സൂക്ഷിക്കാനും ആവശ്യമെങ്കിൽ പ്രിന്റ് ചെയ്ത് ലാമിനേറ്റ് ചെയ്ത് ഉപയോഗിക്കാനും സാധിക്കും. അസ്സൽ കാർഡിന് തുല്യമായ സാധുത ഇതിനുണ്ട്.
ഡൗൺലോഡ് ചെയ്യുന്ന വിധം (ഘട്ടം ഘട്ടമായി) ✍️
വെബ്സൈറ്റ് വഴി:
ലോഗിൻ/രജിസ്റ്റർ:
https://voters.eci.gov.in എന്ന വെബ്സൈറ്റ് സന്ദർശിക്കുക.
നിങ്ങൾക്ക് അക്കൗണ്ട് ഇല്ലെങ്കിൽ "Sign-Up" വഴി മൊബൈൽ നമ്പർ നൽകി പുതിയ അക്കൗണ്ട് ഉണ്ടാക്കുക.
അക്കൗണ്ട് ഉണ്ടെങ്കിൽ മൊബൈൽ നമ്പറും പാസ്വേഡും നൽകി "Login" ചെയ്യുക.
സേവനം തിരഞ്ഞെടുക്കുക:
ലോഗിൻ ചെയ്ത ശേഷം ഹോം പേജിൽ വലതുഭാഗത്തായി കാണുന്ന "E-EPIC Download" എന്ന പച്ച നിറത്തിലുള്ള ഓപ്ഷനിൽ ക്ലിക്ക് ചെയ്യുക.
വിവരങ്ങൾ നൽകുക:
EPIC No: നിങ്ങളുടെ വോട്ടർ ഐഡി നമ്പർ ഉണ്ടെങ്കിൽ അത് തിരഞ്ഞെടുക്കുക.
Form Reference No: നിങ്ങൾ പുതിയതായി വോട്ടർ ഐഡിക്ക് അപേക്ഷിച്ചതേയുള്ളൂവെങ്കിൽ, ആ അപേക്ഷയുടെ റഫറൻസ് നമ്പർ ഉപയോഗിച്ചും ഡൗൺലോഡ് ചെയ്യാം.
സംസ്ഥാനം (State) തിരഞ്ഞെടുക്കുക.
"Search" ക്ലിക്ക് ചെയ്യുക.
OTP വെരിഫിക്കേഷൻ:
നിങ്ങളുടെ പേരും വിവരങ്ങളും താഴെ കാണിക്കും.
അത് ശരിയാണെങ്കിൽ "Send OTP" ക്ലിക്ക് ചെയ്യുക. (രജിസ്റ്റർ ചെയ്ത മൊബൈൽ നമ്പറിലേക്കാണ് OTP വരിക).
OTP നൽകി "Verify" ചെയ്യുക.
ഡൗൺലോഡ്:
വെരിഫിക്കേഷൻ വിജയിച്ചാൽ "Download e-EPIC" എന്ന ബട്ടൺ തെളിയും. അതിൽ ക്ലിക്ക് ചെയ്ത് കാർഡ് PDF ആയി സേവ് ചെയ്യാം.
⚠️ മൊബൈൽ നമ്പർ ലിങ്ക് ചെയ്തിട്ടില്ലെങ്കിൽ എന്തുചെയ്യും?
e-EPIC ഡൗൺലോഡ് ചെയ്യാൻ ശ്രമിക്കുമ്പോൾ "Mobile number not registered" എന്നോ അല്ലെങ്കിൽ മൊബൈൽ നമ്പർ മറ്റൊരാളുടേതാണെന്നോ സന്ദേശം വന്നാൽ, നിങ്ങൾ ആദ്യം മൊബൈൽ നമ്പർ അപ്ഡേറ്റ് ചെയ്യണം.
പരിഹാരം:
ഇതേ വെബ്സൈറ്റിൽ (https://voters.eci.gov.in) Form 8 (Correction of entries) എന്ന ഫോം തിരഞ്ഞെടുക്കുക.
"Application for Self" തിരഞ്ഞെടുത്ത് EPIC നമ്പർ നൽകുക.
അപേക്ഷയുടെ ആവശ്യമായി "Correction of Entries in Existing Electoral Roll" തിരഞ്ഞെടുക്കുക.
താഴെ തിരുത്തേണ്ട കാര്യങ്ങളിൽ "Mobile Number" ടിക്ക് ചെയ്യുക.
നിങ്ങളുടെ സ്വന്തം മൊബൈൽ നമ്പർ നൽകി "Send OTP" അടിച്ച് വെരിഫൈ ചെയ്യുക.
അപേക്ഷ സമർപ്പിക്കുക.
പഴയ ലാമിനേഷൻ കാർഡുകൾ മാറ്റി ഡിജിറ്റൽ കാർഡുകൾ ആക്കുന്നതിനു ഈ അവസരം പ്രയോജനപ്പെടുത്താവുന്നതാണ്
പുതിയ സംവിധാനം അനുസരിച്ച് വോട്ടർമാർക്ക് അവരുടെ തെരഞ്ഞെടുപ്പ് ഫോട്ടോ തിരിച്ചറിയൽ കാർഡ് അല്ലെങ്കിൽ വോട്ടർ ഐഡി കാർഡ് ഡൗൺലോഡ് ചെയ്യാനും ഡിജിറ്റൽ പതിപ്പ് ഉപയോഗിച്ച് വോട്ട് ചെയ്യാനും കഴിയും.
e-EPIC അഥവാ ഇലക്ട്രോണിക് ഇലക്ടറൽ ഫോട്ടോ ഐഡന്റിറ്റി കാർഡ് എന്ന സുരക്ഷിത പോർട്ടബിൾ ഡോക്യുമെന്റ് ഫോർമാറ്റ് (PDF) മൊബൈലിലോ കമ്പ്യൂട്ടറിലോ ഡൗൺലോഡ് ആക്കി പ്രിന്റ് ചെയ്തെടുക്കാം. അല്ലെങ്കിൽ പ്രിന്റെടുത്ത് ലാമിനേറ്റ് ചെയ്തോ, ATM കാർഡ് രൂപത്തിലോ സൂക്ഷിക്കാം.
ഇലക്ഷൻ വകുപ്പ് അറിയിപ്പ്
KL എന്ന് തുടങ്ങുന്ന എല്ലാ വോട്ടർ ഐ.ഡി കാർഡ് നമ്പറുകളും ഒഴിവാക്കി.
(ഉദാ:
KL/05/031/102XXX)
പകരം പുതിയ ഐഡി നമ്പർ അലോട്ട് ചെയ്തിട്ടുണ്ട്.
DIGITAL VOTER ID E-EPIC DOWNLOAD
HOW TO REGISTER NEW VOTER ID KERALA
HOW TO EDIT VOTER ID NAME KERALA
HOW TO LINK VOTER ID TO AADHAR MALAYALAM
VOTER ID CORRECTION MALAYALAM: LINK
ONE CLICK POSTER DOWNLOADING TOOL
USK login
നിരാകരണം:
ഈ വെബ്സൈറ്റിൽ അടങ്ങിയിരിക്കുന്ന വിവരങ്ങൾ അപ്ഡേറ്റും കൃത്യവുമാണെന്ന് ഉറപ്പാക്കാൻ ഞങ്ങൾ എല്ലാ ശ്രമങ്ങളും നടത്തുന്നുണ്ടെങ്കിലും, വെബ്സൈറ്റിൽ ലഭ്യമായ വിവരങ്ങളുടെയും ഉൽപ്പന്നങ്ങളുടെയും സേവനങ്ങളുടെയും സമ്പൂർണ്ണത, വിശ്വാസ്യത, കൃത്യത അല്ലെങ്കിൽ ലഭ്യത എന്നിവയെക്കുറിച്ച് ഇ സേവകൻ ഒരു ഉറപ്പും നൽകുന്നില്ല. ഇ സേവകൻ ബ്ലോഗുകൾ പൊതുവായ സേവനങ്ങളെയും അറിവുകളെയും കുറിച്ചുള്ള ചർച്ചയ്ക്കുള്ളതാണ്.
"ഞങ്ങൾ നൽകുന്ന വിവരങ്ങൾ മറ്റു ലിങ്കുകൾ ഭാവിയിൽ മാറ്റങ്ങൾ വന്നേക്കാം. അത്തരത്തിൽ വരുന്ന മാറ്റങ്ങൾ നിങ്ങളുടെ ശ്രെദ്ധയിൽ പെടുകയാണെങ്കിൽ താഴെ കമന്റ് ബോക്സിൽ രേഖപ്പെടുത്തുക."
