AIIMS RECRUITMENT

AIIMS റിക്രൂട്ട്മെന്റ്

നഴ്സിങ് കഴിഞ്ഞോ? 2,218 ഒഴിവുകൾ; കേന്ദ്ര സർക്കാർ ജോലി നേടാം

ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (AIIMS) നഴ്സിങ് ഓഫീസർ തസ്തികളിൽ നിയമനം നടത്തുന്നു. എയിംസിന്റെ വിവിധ ആശുപത്രികളിൽ ആയി 2,218 ഒഴിവുകളാണ് നിലവിൽ റിപ്പോർട്ട് ചെയ്തിരിക്കുന്നത്. ഇതിൽ കൂടുതൽ ഒഴിവുകൾ ഉണ്ടാകും. പുതുച്ചേരിയിലും അവസരമുണ്ട്. നഴ്സിങ് ബിരുദം യോഗ്യതയുള്ളവർക്ക് അപേക്ഷിക്കാം. താൽപര്യമുള്ള ഉദ്യോഗാർഥികൾക്ക് ഓഗസ്റ്റ് 13 വൈകിട്ട് 5 മണി വരെ ഓൺലൈനായി അപേക്ഷിക്കാം.

എയിംസിന്റെ വിവിധ ആശുപത്രികളിൽ ആയി 2,218 ഒഴിവുകളാണ് നിലവിൽ റിപ്പോർട്ട് ചെയ്തിരിക്കുന്നത്. ഇതിൽ കൂടുതൽ ഒഴിവുകൾ ഉണ്ടാകും. പുതുച്ചേരിയിലും അവസരമുണ്ട്.

വിദ്യാഭ്യാസ യോഗ്യത

ഇന്ത്യൻ നഴ്സിങ് കൗൺസിൽ അംഗീകരിച്ച B.Sc. (Hons.) Nursing / B.Sc. Nursing അല്ലെങ്കിൽ Post Basic B.Sc. Nursing പാസായിരിക്കണം.
കൂടാതെ State Nursing Council അല്ലെങ്കിൽ Indian Nursing Council-ൽ Nurse & Midwife ആയി രജിസ്ട്രേഷൻ ഉണ്ടായിരിക്കണം.

അല്ലെങ്കിൽ

ജനറൽ നഴ്സിംഗ് മിഡ്‌വൈഫറി (GNM) ഡിപ്ലോമ പാസായിരിക്കണം.
സ്റ്റേറ്റ് നഴ്സിങ് കൗൺസിൽ /ഇന്ത്യൻ നഴ്സിംഗ് കൗൺസിലിൽ രജിസ്റ്റർ ചെയ്തിരിക്കണം.
കൂടാതെ 50 കിടക്കകളോ അതിലധികമോ ഉള്ള ആശുപത്രിയിൽ 2 വർഷത്തെ പ്രവൃത്തിപരിചയം ഉണ്ടായിരിക്കണം

പ്രായപരിധി

അപേക്ഷകരുടെ പ്രായപരിധി 18 മുതൽ 30 വയസ് വരെയാണ്. SC/ST വിഭാഗത്തിന് 5 വർഷം, OBCയ്ക്ക് 3 വർഷം, PwBDയ്ക്ക് 10 വർഷം (പരമാവധി 56 വയസ്) വരെ പ്രായ ഇളവുണ്ട്. മുൻ സൈനികർക്കും യോഗ്യരായ കേന്ദ്ര സർക്കാർ ജീവനക്കാർക്കും നിയമാനുസൃത പ്രായ ഇളവ് ബാധകമാണ്.

ശമ്പളം

തെരഞ്ഞെടുക്കപ്പെടുന്ന നഴ്‌സിങ് ഓഫീസർമാർക്ക് 7-ാം ശമ്പള കമ്മീഷൻ പ്രകാരമുള്ള Pay Level-7 ശമ്പളമാണ് ലഭിക്കുക. അടിസ്ഥാന ശമ്പളം 44,900 മുതൽ 1,42,400 രൂപ വരെ ലഭിക്കും. ഇതിനുപുറമെ ഡിയർനസ് അലവൻസ് (DA), ഹൗസ് റെന്റ് അലവൻസ് (HRA), ട്രാൻസ്പോർട്ട് അലവൻസ് ഉൾപ്പെടെ കേന്ദ്ര സർക്കാർ ജീവനക്കാർക്ക് ലഭിക്കുന്ന മറ്റ് ആനുകൂല്യങ്ങളും ലഭിക്കും.

തെരഞ്ഞെടുപ്പ് രീതി

കംപ്യുട്ടർ അധിഷ്ഠിത പരീക്ഷ (CBT) വഴിയാണ്. നിയമനം നടത്തുന്നത്. രണ്ട് ഘട്ടങ്ങളായാണ് പരീക്ഷ നടക്കുന്നത്.

1. NORCET പ്രീലിമിനറി എക്സാം

90 മിനിറ്റ് ദൈർഘ്യമുള്ള പരീക്ഷയാണ് നടത്തുന്നത്. 100 മാർക്കിന് 100 ചോദ്യങ്ങൾ (20 ജനറൽ നോളജ് & ആപ്റ്റിറ്റ്യൂഡ്, 80 നഴ്‌സിങ് വിഷയങ്ങൾ). ഓരോ തെറ്റായ ഉത്തരത്തിനും 1/3 മാർക്ക് നെഗറ്റീവ് മാർക്കിംഗ് ഉണ്ടായിരിക്കും. ഈ പരീക്ഷ യോഗ്യത നിർണയത്തിന് മാത്രമാണ്. അന്തിമ റാങ്കിൽ പരിഗണിക്കില്ല.

2. NORCET സ്റ്റേജ് II എക്സാം

180 മിനിറ്റ് ദൈർഘ്യമുള്ള പരീക്ഷയാണ് നടത്തുന്നത്. 160 മാർക്കിന് 160 കേസ്-സീനാരിയോ അടിസ്ഥാനത്തിലുള്ള ചോദ്യങ്ങൾ. 1/3 നെഗറ്റീവ് മാർക്കിംഗ് ബാധകമാണ്. സ്റ്റേജ് II-ലെ മാർക്കിന്റെ അടിസ്ഥാനത്തിലാണ് അന്തിമ റാങ്ക് തയ്യാറാക്കുന്നത്.

അപേക്ഷാ ഫീസ്

ഓപ്പൺ/ ഒബിസി : 3000 രൂപ.
എസ്‌സി/എസ്ടി/ ഇഡബ്ല്യുഎസ് - 2400 രൂപ.
പിഡബ്ല്യുബിഡി - ഫീസില്ല

അപേക്ഷിക്കേണ്ടതെങ്ങനെ?

ഔദ്യോഗിക വെബ്സൈറ്റായ https://rrp.aiimsexams.ac.in/ സന്ദർശിക്കുക
ഹോംപേജിൽ റിക്രൂട്ട്മെന്റ് ലിങ്ക് തെരഞ്ഞെടുക്കുക
അക്കൗണ്ട് സൈൻ അപ് ചെയ്യുക
ഏത് തസ്തികയിലേക്കാണ് അപേക്ഷിക്കാൻ ആഗ്രഹിക്കുന്നത്, അവയുടെ യോഗ്യതകൾ പരിശോധിക്കുക
അപേക്ഷ പൂർത്തിയാക്കുക
ഫീസടച്ച് അപേക്ഷ സബ്മിറ്റ് ചെയ്യുക
ഡൗൺലോഡ് ചെയ്ത് പ്രിന്റൗട്ടെടുക്കുക

അപേക്ഷിക്കുന്നവരുടെ ശ്രദ്ധയ്ക്ക്

അപേക്ഷിക്കുന്നതിന് മുമ്പ് ഉദ്യോഗാര്‍ഥികള്‍ താഴെ കൊടുത്ത PDF പൂര്‍ണ്ണമായും ശ്രദ്ധിച്ചു വായിച്ചു മനസ്സിലാക്കുക.

അപേക്ഷിക്കുന്നതിന് മുമ്പ് ഔദ്യോഗിക വിജ്ഞാപനത്തില്‍ പറഞ്ഞ യോഗ്യതകള്‍ , പ്രായ പരിധി, വിദ്യാഭ്യാസ യോഗ്യത etc.. എന്നിവ ഇല്ലേ എന്ന് ഉറപ്പ് വരുത്തുക. ഇതില്‍ എന്തെങ്കിലും മാറ്റങ്ങള്‍ വന്നാല്‍ നിങ്ങളുടെ അപേക്ഷ നിരസിക്കുന്നതാണ്, കൂടാതെ ഈ ജോലി അവസരം നഷ്ടപ്പെടുന്നതുമാണ്.

നിങ്ങള്‍ ഏതൊരു ജോലിക്ക് അപേക്ഷിക്കുമ്പോഴും പ്രത്യേകം ശ്രദ്ധിക്കേണ്ട ഒരു കാര്യം, അപേക്ഷാ ഫോം ഫില്‍ ചെയ്യുമ്പോള്‍ നിങ്ങളുടെ ഉപയോഗിക്കുന്ന Mobile No, Email ID, എന്നിവ കൊടുക്കുക. കാരണം പിന്നീടുള്ള പരീക്ഷാ തിയതി, അഡ്മിഷന്‍ ടിക്കറ്റ് തുടങ്ങിയ പ്രധാനപെട്ട കാര്യങ്ങള്‍ അത് വഴിയാകും അറിയുക.

ഈ ജോലിക്ക് എങ്ങനെ അപേക്ഷിക്കണം, ഇതിന്‍റെ സാധ്യത എങ്ങനെയാണ് എന്നിവ അറിയാന്‍ താഴെ കൊടുത്ത 'കൂടുതൽ വിവരങ്ങൾക്ക്' എന്നതിൽ നിന്നും PDF വായിച്ചു മനസ്സിലാക്കുക.

കൂടുതൽ വിവരങ്ങൾക്ക് വിജ്ഞാപനം വായിക്കുക.