MAHATMA GANDHI (MG) UNIVERSITY UPDATES

മഹാത്മാഗാന്ധി യൂണിവേഴ്സിറ്റി (MG) അപ്‌ഡേറ്റുകൾ

എം ജി ബിരുദ ഏകജാലകം: ട്രയൽ അലോട്മെന്റ് പ്രസിദ്ധീകരിച്ചു.

നിലവിൽ അപേക്ഷിച്ചിട്ടുള്ളവർക്ക് ഓപ്ഷനുകൾ കൂട്ടിച്ചേർക്കുന്നതിനും ഒഴിവാക്കുന്നതിനും പുനഃ:ക്രമീകരിക്കുന്നതിനും പേര്, ആധാർ നമ്പർ, മൊബൈൽ നമ്പർ, ഇ മെയിൽ ഐഡി, പരീക്ഷാ ബോർഡ്, രജിസ്റ്റർ നം, സംവരണ വിഭാഗം എന്നിവയിലൊഴികെയുള്ള തിരുത്തലുകൾ വരുത്തുന്നതിനും13 / 06 / 2025 വരെ സൗകര്യമുണ്ടായിരിക്കുന്നതാണ്. നാളിതുവരെ അപേക്ഷിക്കാൻ സാധിക്കാതിരുന്നവർക്കും ഫീസ് ഒടുക്കി അപേക്ഷ സമർപ്പിക്കാൻ സാധിക്കാതിരുന്നവർക്കും അപേക്ഷിക്കുന്നതിനുള്ള സൗകര്യം 13 / 06 / 2025 വരെ ലഭ്യമായിരിക്കുന്നതാണ്. കമ്മ്യൂണിറ്റി മെറിറ്റ് ക്വാട്ടയിലേക്ക് നിലവിൽ അപേക്ഷിച്ചവർക്ക് ഓപ്ഷനുകൾ കൂട്ടിച്ചേർക്കുന്നതിനും ഒഴിവാക്കുന്നതിനും പുനഃ:ക്രമീകരിക്കുന്നതിനും അപേക്ഷിക്കാൻ സാധിക്കാതിരുന്നവർക്ക് പുതുതായി അപേക്ഷിക്കുന്നതിനും 13 / 06 / 2025 വരെ സൗകര്യമുണ്ടായിരിക്കുന്നതാണ്. ഇതിനായി ''കമ്മ്യൂണിറ്റി മെറിറ്റ് ക്വാട്ട ലോഗിൻ'' എന്ന ഓപ്ഷനിലൂടെ ലോഗിൻ ചെയ്യേണ്ടതാണ്. എന്നാൽ സ്പോർട്സ്/കൾച്ചറൽ/ പി ഡി ക്വാട്ടാകളിലേക്ക് പുതുതായി അപേക്ഷിക്കുന്നതിനു ഈ കാലയളവിൽ സാധിക്കുന്നതല്ല. മൂന്നാം അലോട്മെന്റിന് ശേഷമുള്ള പട്ടിക ജാതി/ പട്ടികവർഗ്ഗ വിഭാഗങ്ങളാക്കായുള്ള പ്രത്യേക അലോട്മെന്റിന്റെ രജിസ്‌ട്രേഷൻ സമയത്തും തുടർ രജിസ്‌ട്രേഷൻ വേളകളിലും പി ഡി ക്വാട്ടയിലേക്ക് അപേക്ഷിക്കുന്നതിനുള്ള സൗകര്യം ലഭ്യമായിരിക്കുന്നതാണ്.

സ്പോർട്സ്/കൾച്ചറൽ /പി ഡി ക്വാട്ടാകളിലേക്കുള്ള പ്രൊവിഷണൽ റാങ്ക് ലിസ്റ്റ് പ്രസിദ്ധീകരിച്ചു. അന്തിമ റാങ്ക് ലിസ്റ്റ് 12/ 06 / 2025 നു പ്രസിദ്ധീകരിക്കുന്നതും അന്തിമ റാങ്ക് ലിസ്റ്റിൽ ഉൾപ്പെട്ടിട്ടുള്ളവർ 13/ 06 / 2025 നു മുൻപായി ബന്ധപ്പെട്ട കോളേജുകളിൽ പ്രവേശനം നേടേണ്ടതുമാണ്.

എം ജി ബിരുദ ഏകജാലകം: ഓൺലൈൻ രജിസ്‌ട്രേഷൻ അവസാനിച്ചു. നാളിതു വരെ അപേക്ഷിക്കാൻ സാധിക്കാതിരുന്നവർക്ക് സാധ്യതാ അലോട്മെന്റ് (Trial Allotment) പ്രസിദ്ധീകരിച്ചതിനുശേഷം 13/ 06/ 2025 വരെ പുതുതായി അപേക്ഷിക്കുന്നതിനുള്ള സൗകര്യം ലഭ്യമാവുന്നതാണ്.

കൂടുതൽ വിവരങ്ങൾക്കും അപ്ഡേറ്റുകൾക്കും വെബ്പോർട്ടൽ സന്ദർശിക്കുക.

Official Website: https://cap.mgu.ac.in/

കൂടുതൽ വിവരങ്ങൾക്ക് : Mahatma Gandhi University Admission Website

ഓൺലൈൻ അപേക്ഷ : Mahatma Gandhi University Admission Website