PROF.JOSEPH MUNDASSERY SCHOLARSHIP AWARD (PJMS) KERALA

പ്രൊഫ.ജോസഫ് മുണ്ടശ്ശേരി സ്‌കോളർഷിപ്പ് (PJMS)

2025 - 2 6 സാമ്പത്തിക വർഷത്തെ ന്യൂനപക്ഷ മതവിഭാഗത്തിൽപ്പെട്ട വിദ്യാർത്ഥികൾ ക്കുള്ള വിവിധ സ്കോളർഷിപ്പുകളുടെ അപേക്ഷ സ്വീകരിക്കുന്ന അവസാന തീയതി 20.01.2026 - വരെ ദീർഘിപ്പിച്ചിരിക്കുന്നു

സംസ്ഥാന ന്യൂനപക്ഷ ക്ഷേമ വകുപ്പ് 2025-26 സാമ്പത്തിക വർഷത്തെ പ്രൊഫ. ജോസഫ് മുണ്ടശ്ശേരി സ്കോളർഷിപ്പ് അവാർഡിന് (Prof. Joseph Mundassery Scholarship Award) അപേക്ഷ ക്ഷണിച്ചു 2024-25 അധ്യയന വർഷത്തിൽ എസ്.എസ്.എൽ.സി, പ്ലസ് ടു, വി.എച്ച്.എസ്.ഇ, ബിരുദം, ബിരുദാനന്തര ബിരുദം എന്നിവയിൽ മികച്ച വിജയം കരസ്ഥമാക്കിയ ന്യൂനപക്ഷ മതവിഭാഗത്തിൽപ്പെട്ട വിദ്യാർത്ഥികൾക്കാണ് ഈ അവാർഡ് നൽകുന്നത്.

2024-25 അദ്ധ്യയന വർഷത്തിൽ സർക്കാർ/സർക്കാർ സ്ഥാപനങ്ങളിൽ എയ്ഡഡ് വിദ്യാഭ്യാസ എസ്.എസ്.എൽ.സി/ടി.എച്ച്.എസ്.എൽ.സി, പ്ലസ് ടൂ/വി.എച്ച്.എസ്.ഇ പരീക്ഷകളിൽ എല്ലാ വിഷയങ്ങൾക്കും A+ നേടുന്നവർക്കും/ബിരുദ തലത്തിൽ 80% മാർക്കോ/ബിരുദാനന്തര ബിരുദ തലത്തിൽ 75% മാർക്കോ നേടുന്ന ന്യൂനപക്ഷ മത വിഭാഗത്തിൽപ്പെട്ട വിദ്യാർത്ഥികൾക്കുമുളള "പ്രൊഫ. ജോസഫ് മുണ്ടശ്ശേരി സ്കോളർഷിപ്പ് അവാർഡ് 2025-26" ജനസംഖ്യാനുപാതികമായി നൽകുന്നതിലേക്കായി സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിക്കുന്നു.

കേരളത്തിൽ പഠിക്കുന്ന സ്ഥിരതാമസക്കാരായ മുസ്ലീം, ക്രിസ്ത്യൻ (എല്ലാ വിഭാഗക്കാരും), സിഖ്, ബുദ്ധ, ജൈന, പാഴ്സി എന്നീ മതവിഭാഗത്തിൽപ്പെട്ട വിദ്യാർത്ഥികൾക്കാണ് പ്രസ്തുത സ്കോളർഷിപ്പ് ലഭിക്കുന്നത്. എസ്.എസ്.എൽ.സി/ടി.എച്ച്.എസ്.എൽ.സി, 2024-25 അദ്ധ്യയന വർഷത്തിൽ പ്ലസ്സു/വി.എച്ച്.എസ്.ഇ തലങ്ങളിൽ എല്ലാ വിഷയങ്ങൾക്കും എ+ നേടിയവർക്ക് 10,000/- (പതിനായിരം രൂപ മാത്രം) രൂപയും, ബിരുദ തലത്തിൽ 80% മാർക്കോ/ബിരുദാനന്തര ബിരുദ തലത്തിൽ 75% മാർക്കോ നേടുന്ന വിദ്യാർത്ഥികൾക്ക് 15,000/-(പതിനയ്യായിരം രൂപ മാത്രം) രൂപയുമാണ് സ്കോളർഷിപ്പ് തുകയായി അനുവദിക്കുന്നത്.

ബി.പി.എൽ വിഭാഗത്തിൽപ്പെട്ടവർക്ക് മുൻഗണന നൽകുന്നതാണ്. ബി.പി.എൽ അപേക്ഷകരുടെ അഭാവത്തിൽ ന്യൂനപക്ഷ മത വിഭാഗത്തിലെ 8 ലക്ഷം രൂപ വരെ വാർഷിക വരുമാനമുളള എ.പി.എൽ. വിഭാഗത്തെയും പരിഗണിക്കും. ന്യൂനപക്ഷ വിദ്യാർത്ഥികളെ തെരഞ്ഞെടുക്കുന്നത് കുടുംബ വാർഷിക വരുമാനത്തിന്റെയും മാർക്കിന്റെയും അടിസ്ഥാനത്തിൽ ജനസംഖ്യാനുപാതികമായിട്ടാണ്.

സ്കോളർഷിപ്പിനെക്കുറിച്ചുള്ള പൂർണ്ണവിവരങ്ങൾ താഴെ നൽകുന്നു.

ആർക്കൊക്കെ അപേക്ഷിക്കാം? (Eligibility)

മതവിഭാഗം: കേരളത്തിൽ പഠിക്കുന്ന സ്ഥിരതാമസക്കാരായ മുസ്ലീം, ക്രിസ്ത്യൻ (എല്ലാ വിഭാഗക്കാരും), സിഖ്, ബുദ്ധ, ജൈന, പാഴ്സി എന്നീ ന്യൂനപക്ഷ മതവിഭാഗങ്ങളിൽപ്പെട്ടവർക്ക് അപേക്ഷിക്കാം.
അക്കാദമിക് യോഗ്യത (2024-25 വർഷത്തെ വിജയം):
- SSLC/THSLC/Plus Two/VHSE: എല്ലാ വിഷയങ്ങൾക്കും എ+ (Full A+) നേടിയവർ.
- ബിരുദം (Degree): 80% മാർക്ക് നേടിയവർ.
- ബിരുദാനന്തര ബിരുദം (PG): 75% മാർക്ക് നേടിയവർ⁶.
വരുമാന പരിധി: ബി.പി.എൽ (BPL) വിഭാഗത്തിൽപ്പെട്ടവർക്ക് മുൻഗണന നൽകും⁷. ബി.പി.എൽ അപേക്ഷകരുടെ അഭാവത്തിൽ 8 ലക്ഷം രൂപ വരെ വാർഷിക വരുമാനമുള്ള എ.പി.എൽ (APL) വിഭാഗത്തെയും പരിഗണിക്കും⁸.

സ്കോളർഷിപ്പ് തുക (Scholarship Amount)

കോഴ്സ് / യോഗ്യത	സ്കോളർഷിപ്പ് തുക
SSLC / Plus Two / VHSE (Full A+)	₹ 10,000/-
ബിരുദം (80% Marks)	₹ 15,000/-
ബിരുദാനന്തര ബിരുദം (75% Marks)	₹ 15,000/-

അപേക്ഷിക്കേണ്ട വിധം

https://mwdscholarship.kerala.gov.in/ എന്ന വെബ്സൈറ്റ് സന്ദർശിക്കുക.
One-time registration ക്ലിക്ക് ചെയ്ത് രജിസ്റ്റർ ചെയ്യുക.
യൂസർ ഐഡിയും പാസ്‌വേഡും ഉപയോഗിച്ച് ലോഗിൻ ചെയ്ത് വിവരങ്ങൾ നൽകി Apply for scholarship വഴി അപേക്ഷ സമർപ്പിക്കുക
ഓൺലൈനായി സമർപ്പിച്ച അപേക്ഷയുടെ പ്രിന്റൗട്ടും അനുബന്ധ രേഖകളും വിദ്യാർത്ഥി മുമ്പ് പഠിച്ചിരുന്ന (യോഗ്യത നേടിയ) സ്ഥാപന മേധാവിക്ക് സമർപ്പിക്കണം.

ആവശ്യമായ രേഖകൾ

സ്ഥാപന മേധാവിക്ക് താഴെ പറയുന്ന രേഖകൾ സമർപ്പിക്കണം:

രജിസ്ട്രേഷൻ പ്രിന്റൗട്ട്.
മാർക്ക് ലിസ്റ്റുകളുടെ പകർപ്പ് (SSLC/Plus Two/Degree/PG).
ബാങ്ക് പാസ് ബുക്കിന്റെ ആദ്യ പേജിന്റെ പകർപ്പ് (അപേക്ഷകരുടെ സ്വന്തം പേരിലുള്ള അക്കൗണ്ട് ആയിരിക്കണം).
ആധാർ കാർഡിന്റെ പകർപ്പ്.
നേറ്റിവിറ്റി സർട്ടിഫിക്കറ്റ്.
കമ്മ്യൂണിറ്റി സർട്ടിഫിക്കറ്റ് അല്ലെങ്കിൽ മൈനോരിറ്റി സർട്ടിഫിക്കറ്റ്.
വരുമാന സർട്ടിഫിക്കറ്റ് (വില്ലേജ് ഓഫീസിൽ നിന്നും).
റേഷൻ കാർഡിന്റെ പകർപ്പ്.

പ്രധാന തീയതികൾ (Important Dates)

വിദ്യാർത്ഥികൾ ഓൺലൈനായി അപേക്ഷിക്കേണ്ട അവസാന തീയതി: 09-01-2026.
പ്രിന്റൗട്ടും രേഖകളും സ്ഥാപന മേധാവിക്ക് സമർപ്പിക്കേണ്ട അവസാന തീയതി: 12-01-2026.
സ്ഥാപന മേധാവികൾ അപേക്ഷ അപ്രൂവൽ നൽകേണ്ട അവസാന തീയതി: 14-01-2026.