HOW TO APPLY FOR A CASTE CERTIFICATE : KERALA
എന്താണ്
ഇന്ത്യയിൽ വ്യക്തികളുടെ മതപരമായ അല്ലെങ്കിൽ സാമുദായികപരമായ വിഭാഗത്തെ സൂചിപ്പിക്കുന്ന നിയമപരമായ രേഖയാണ് ജാതി സർട്ടിഫിക്കറ്റ്. പിന്നോക്ക വിഭാഗങ്ങളെ വിദ്യാഭ്യാസപരമായും തൊഴിൽപരമായും മുന്നിലേക്ക് കൊണ്ടുവരാൻ ഈ സർട്ടിഫിക്കറ്റ് ഉപയോഗിച്ചു സാധിക്കുന്നു.
സാധാരണ സംഭാഷണത്തിൽ എല്ലാവരും 'ജാതി സർട്ടിഫിക്കറ്റ്' എന്ന് പറയാറുണ്ടെങ്കിലും, റവന്യൂ വകുപ്പിന്റെ നിയമപ്രകാരം 'കാസ്റ്റ് സർട്ടിഫിക്കറ്റ്' എന്നത് പട്ടികജാതി (SC) / പട്ടികവർഗ്ഗ (ST) വിഭാഗത്തിൽപ്പെട്ടവർക്ക് മാത്രമായി നൽകുന്ന രേഖയാണ്. മറ്റുള്ളവർക്ക് (OBC, General) നൽകുന്നത് 'കമ്മ്യൂണിറ്റി സർട്ടിഫിക്കറ്റ്' ആണ്.
ആർക്കൊക്കെയാണ് കാസ്റ്റ് സർട്ടിഫിക്കറ്റ് ലഭിക്കുക? ✅
SC (Scheduled Caste): പുലയ, പറയ, കുറവ, തണ്ടാൻ തുടങ്ങിയ പട്ടികജാതി വിഭാഗക്കാർക്ക്.
ST (Scheduled Tribe): കാട്ടുനായ്ക്ക, കുറിച്ച്യ, പണിയ തുടങ്ങിയ പട്ടികവർഗ്ഗ വിഭാഗക്കാർക്ക്.
(ശ്രദ്ധിക്കുക: ഈഴവ, മുസ്ലീം, വിശ്വകർമ്മ തുടങ്ങിയ OBC വിഭാഗങ്ങൾക്ക് ലഭിക്കുന്നത് കമ്മ്യൂണിറ്റി സർട്ടിഫിക്കറ്റാണ്).
എന്തിനൊക്കെയാണ് ഇത് ആവശ്യം? 📝
SC/ST വിഭാഗങ്ങൾക്ക് ഭരണഘടനാപരമായ പ്രത്യേക സംവരണങ്ങളും ആനുകൂല്യങ്ങളും ലഭിക്കുന്നതിന് ഈ സർട്ടിഫിക്കറ്റ് നിർബന്ധമാണ്.
വിദ്യാഭ്യാസം: സ്കൂൾ/കോളേജ് അഡ്മിഷൻ, ഫീസ് ഇളവുകൾ, ഹോസ്റ്റൽ സൗകര്യം, പ്രത്യേക ഗ്രാന്റുകൾ (Stipend/Lumpsum Grant) എന്നിവയ്ക്ക്.
സർക്കാർ ജോലികൾ: പിഎസ്സി, യുപിഎസ്സി ജോലികളിലെ പ്രത്യേക സംവരണത്തിന്.
ധനസഹായങ്ങൾ: പട്ടികജാതി/പട്ടികവർഗ്ഗ വികസന വകുപ്പിൽ നിന്നുള്ള വീട് നിർമ്മാണം, വിവാഹ ധനസഹായം, ചികിത്സാ സഹായം എന്നിവയ്ക്ക്.
തിരഞ്ഞെടുപ്പ്: സംവരണ മണ്ഡലങ്ങളിൽ മത്സരിക്കാൻ.
അപേക്ഷിക്കേണ്ട വിധം ✍️
ഇ-ഡിസ്ട്രിക്റ്റ് (e-District) പോർട്ടൽ വഴിയാണ് അപേക്ഷ സമർപ്പിക്കേണ്ടത്.
ഓൺലൈൻ വഴി :
SSLC ബുക്ക് (ഏറ്റവും പ്രധാനം): ജാതി കൃത്യമായി രേഖപ്പെടുത്തിയിട്ടുള്ള സ്കൂൾ സർട്ടിഫിക്കറ്റിന്റെ പകർപ്പ്.
റേഷൻ കാർഡ്: മേൽവിലാസം തെളിയിക്കാൻ.
ആധാർ കാർഡ്.
മാതാപിതാക്കളുടെ രേഖകൾ: കുട്ടികൾക്ക് അപേക്ഷിക്കുമ്പോൾ അച്ഛന്റെയോ അമ്മയുടെയോ SSLC ബുക്കോ ജാതി സർട്ടിഫിക്കറ്റോ ഹാജരാക്കണം.
റിലേഷൻഷിപ്പ് സർട്ടിഫിക്കറ്റ് (ആവശ്യമെങ്കിൽ): രേഖകൾ അച്ഛന്റെ പേരിലാണെങ്കിൽ കുട്ടിയുമായുള്ള ബന്ധം തെളിയിക്കാൻ.
സത്യവാങ്മൂലം: ജാതി തെളിയിക്കുന്ന രേഖകൾ ഒന്നുമില്ലെങ്കിൽ, ബന്ധപ്പെട്ട സമുദായ സംഘടനയുടെ കത്തും സത്യവാങ്മൂലവും ഹാജരാക്കേണ്ടി വരും. ചിലപ്പോൾ കിർത്താഡ്സ് (KIRTADS) ന്റെ റിപ്പോർട്ടും ആവശ്യമായി വരാം (പ്രത്യേകിച്ച് ST വിഭാഗങ്ങൾക്ക്).
ഇ-ഡിസ്ട്രിക്റ്റ് പോർട്ടൽ രജിസ്ട്രേഷന് ആധാർ കാർഡ് ബന്ധിപ്പിച്ച മൊബൈൽ നമ്പർ, ഇമെയിൽ ഐഡി എന്നിവ നിർബന്ധമാണ്.
കാലാവധി (Validity) ⏳
കേരളത്തിൽ SC/ST വിഭാഗങ്ങൾക്കുള്ള കാസ്റ്റ് സർട്ടിഫിക്കറ്റിന് സാധാരണയായി 3 വർഷത്തെ കാലാവധിയാണുള്ളത്.
കാലാവധി കഴിഞ്ഞാൽ അക്ഷയ വഴി തന്നെ പുതുക്കാവുന്നതാണ്.
പ്രത്യേകം ശ്രദ്ധിക്കാൻ ⚠️
മിശ്രവിവാഹിതർ (Inter-caste Marriage): അച്ഛനോ അമ്മയോ ഒരാൾ SC/ST വിഭാഗത്തിൽ പെട്ടതാണെങ്കിൽ, കുട്ടികൾക്ക് SC/ST കാസ്റ്റ് സർട്ടിഫിക്കറ്റിന് അർഹതയുണ്ട്. എന്നാൽ ഇതിനായി വില്ലേജ് ഓഫീസർ വിശദമായ അന്വേഷണം നടത്തും. കുട്ടി ഏത് സാഹചര്യത്തിലാണ് വളർന്നത് എന്നും ഏത് സമുദായത്തിലാണ് ജീവിക്കുന്നത് എന്നും പരിശോധിച്ച ശേഷമേ സർട്ടിഫിക്കറ്റ് നൽകൂ.
മതം മാറിയവർ: SC വിഭാഗത്തിൽപ്പെട്ട ഒരാൾ ക്രിസ്തുമതത്തിലേക്ക് മാറിയാൽ (Converted Christian), അവർക്ക് SC കാസ്റ്റ് സർട്ടിഫിക്കറ്റ് ലഭിക്കില്ല. പകരം OEC (Other Eligible Community) ആനുകൂല്യങ്ങൾക്കായി കമ്മ്യൂണിറ്റി സർട്ടിഫിക്കറ്റാണ് ലഭിക്കുക. (ST വിഭാഗത്തിന് മതം മാറിയാലും ST പദവി നിലനിൽക്കും).
ജാതി സർട്ടിഫിക്കറ്റ്ന്റെ നേട്ടങ്ങൾ
- സീറ്റ് സംവരണം. ( നിയമസഭ , ഗവണ്മെന്റ് സർവീസ് , സ്കൂൾ ,കോളേജ് )
- സ്കൂളുകളിലും കോളേജുകളിലുമുള്ള ഫീസ് ഒഴിവാക്കുകയോ കുറച്ചു കൊടുക്കുകയോ ചെയ്യുന്നു.
- ജോലികൾക്കുള്ള പ്രായ പരിധിയിൽ ഇളവ്.
- സ്കോളർഷിപ്പുകൾ.
- സർക്കാർ സബ്സീഡികൾ... etc..
ജാതി സർട്ടിഫിക്കറ്റ് അപേക്ഷിക്കാൻ ആവശ്യമായ രേഖകൾ
- Ration card Number
- School Certificate
- Affidavit
- Caste Related Other Documents
( PDF Format ആയിരിക്കണം Maximum 100 kb )
ജാതി സർട്ടിഫിക്കറ്റ്ന് ഓൺലൈനായി എങ്ങനെ അപേക്ഷിക്കാം
STEP 1:
- ഇതിനായി E district Kerala യുടെ വെബ്സൈറ്റ് സന്ദർശിക്കുക.
- main menu വിലെ വലതുഭാഗത്തായുള്ള Sign In എന്ന ബട്ടൺ ക്ലിക്ക് ചെയ്യുക.
- login name, Password , Captcha എന്നിവ നൽകി Sign In എന്ന ബട്ടൺ ക്ലിക്ക് ചെയ്യുക.
STEP 2:
- Main Menu വിൽ One time registration എന്നതിൽ Applicant registration എന്ന സബ് മെനുവിൽ ക്ലിക്ക് ചെയ്യുക.
- New registration എന്ന ഫോമിൽ എല്ലാ കാര്യങ്ങളും നൽകുക.
- അച്ഛന്റെയും അമ്മയുടെയും Religion & Caste നിർബന്ധമായും നൽകുക.
- ശേഷം Submit button ക്ലിക്ക് ചെയ്യുക.
STEP 3:
- main menu വിൽ Certificate Service എന്നതിൽ Caste എന്ന സബ് മെനുവിൽ ക്ലിക്ക് ചെയ്യുക.
- eDistrict Register No. എന്ന ഭാഗത്തു OTR ചെയ്തിരിക്കുന്ന വ്യക്തിയെ സെലക്ട് ചെയ്ത കൊടുക്കുക.
- Certificate purpose എന്നിടത് കേരളത്തിനകത്തെ ഉപയോഗത്തിനാണെങ്കിൽ State Purpose എന്നതും പുറത്തെ ആണെങ്കിൽ Outside State Purpose എന്നതും സെലക്ട് ചെയ്യുക.
- Religion എന്ന ഭാഗത്തു നിങ്ങളുടെ Religion സെലക്ട് ചെയ്യുക.
- Category സെലക്ട് ചെയ്യുക
- Caste സെലക്ട് ചെയ്യുക.
- Declaration എന്ന ഭാഗത്തു അപേക്ഷിക്കുന്ന ആളുടെ പേരും സർട്ടിഫിക്കറ്റ് എടുക്കുന്ന ആളുമായിട്ടുള്ള ബന്ധവും നൽകുക.
- ശേഷം Save and forward എന്ന ബട്ടണിൽ ക്ലിക്ക് ചെയ്യുക.
STEP 4:
- Attachment സെക്ഷനിൽ Ration card number നൽകുക
- School Certificate , Affidavit , ജാതിപരമായ മറ്റേതെങ്കിലും രേഖകൾ ഉണ്ടെങ്കിൽ അതോ Upload ചെയ്ത് കൊടുക്കുക. ( Pdf only maximum 100kb)
- ശേഷം Next എന്ന ബട്ടണിൽ ക്ലിക്ക് ചെയ്യുക.
STEP 5:
- Credit / Debit card , Internet banking , UPI എന്നിവയിൽ ഏതെങ്കിലും മാർഗ്ഗം ഉപയോഗിച്ച് payment നടത്താവുന്നതാണ്.
അപേക്ഷയുടെ സ്ഥിതി അറിയുന്നതിനായി Certificate services ൽ Track My Certificate application എന്ന ബട്ടണിൽ ക്ലിക്ക് ചെയ്യുക., ഓൺലൈനായി തന്നെ നിങ്ങൾക്ക് ഇവിടെ നിന്നും സർട്ടിഫിക്കറ്റ് Download ചെയ്യാവുന്നതാണ്.
Official Website: https://edistrict.kerala.gov.in
കൂടുതൽ വിവരങ്ങൾക്ക് : eDistrict Service List ഓൺലൈൻ സേവനം ലഭ്യമാകുന്നതിനുള്ള ലിങ്ക് : eDistrict Website
ONE CLICK POSTER DOWNLOADING TOOL
USK login
നിരാകരണം:
ഈ വെബ്സൈറ്റിൽ അടങ്ങിയിരിക്കുന്ന വിവരങ്ങൾ അപ്ഡേറ്റും കൃത്യവുമാണെന്ന് ഉറപ്പാക്കാൻ ഞങ്ങൾ എല്ലാ ശ്രമങ്ങളും നടത്തുന്നുണ്ടെങ്കിലും, വെബ്സൈറ്റിൽ ലഭ്യമായ വിവരങ്ങളുടെയും ഉൽപ്പന്നങ്ങളുടെയും സേവനങ്ങളുടെയും സമ്പൂർണ്ണത, വിശ്വാസ്യത, കൃത്യത അല്ലെങ്കിൽ ലഭ്യത എന്നിവയെക്കുറിച്ച് ഇ സേവകൻ ഒരു ഉറപ്പും നൽകുന്നില്ല. ഇ സേവകൻ ബ്ലോഗുകൾ പൊതുവായ സേവനങ്ങളെയും അറിവുകളെയും കുറിച്ചുള്ള ചർച്ചയ്ക്കുള്ളതാണ്.
"ഞങ്ങൾ നൽകുന്ന വിവരങ്ങൾ മറ്റു ലിങ്കുകൾ ഭാവിയിൽ മാറ്റങ്ങൾ വന്നേക്കാം. അത്തരത്തിൽ വരുന്ന മാറ്റങ്ങൾ നിങ്ങളുടെ ശ്രെദ്ധയിൽ പെടുകയാണെങ്കിൽ താഴെ കമന്റ് ബോക്സിൽ രേഖപ്പെടുത്തുക."
