CALICUT UNIVERSITY ONLINE COURSES

കാലിക്കറ്റ് സർവ്വകലാശാല ഓൺലൈൻ ഡിഗ്രി പ്രോഗ്രാമുകളിലേക്ക് അപേക്ഷിക്കാം

കാലിക്കറ്റ് സർവകലാശാലയിലെ സെന്റർ ഫോർ ഡിസ്റ്റൻസ് ആൻഡ് ഓൺലൈൻ എഡ്യൂക്കേഷന്റെ കീഴിൽ 2026–27 അക്കാദമിക് വർഷത്തേക്കുള്ള (അക്കാദമിക് സെഷൻ: ഓഗസ്റ്റ് 2026) ഓൺലൈൻ ബിരുദ, ബിരുദാനന്തര പ്രോഗ്രാമുകളിലേക്കുള്ള പ്രവേശനത്തിനുള്ള അപേക്ഷകൾ സമർപ്പിക്കുന്നതിനുള്ള അവസാന തീയതി പിഴയില്ലാതെ 25.09.2026 വരെ നീട്ടിയിരിക്കുന്നു.

കാലിക്കറ്റ് യൂണിവേഴ്സിറ്റിയുടെ ഓൺലൈൻ യു.ജി , പിജി കോഴ്സുകൾക്ക് അപേക്ഷിക്കാം

കാലിക്കറ്റ് സർവകലാശാല 2026 ഓഗസ്റ്റ് സെഷനിലേക്കുള്ള ഓൺലൈൻ യൂജി, പിജി പ്രോഗ്രാമുകൾക്ക് അപേക്ഷ ക്ഷണിച്ചു. കാലിക്കറ്റ് സർവകലാശാലയിലെ സെൻ്റർ ഫോർ ഡിസ്റ്റൻസ് ആൻഡ് ഓൺലൈൻ എഡ്യൂക്കേഷൻ (CDOE) വഴിയുള്ള ഓൺലൈൻ ബിരുദ-ബിരുദാനന്തര പ്രോഗ്രാമുകളിലേക്ക് പ്രവേശനത്തിന് 2026 ജൂലൈ 08 മുതൽ അപേക്ഷിക്കാം. യുജിസി അംഗീകരിച്ച ബിഎ ഹിസ്റ്ററി (ഓണേഴ്‌സ്), ബിഎ സോഷ്യോളജി (ഓണേഴ്‌സ്) എന്നീ രണ്ട് ബിരുദ പ്രോഗ്രാമുകളിലേക്കും എംഎ പൊളിറ്റിക്കൽ സയൻസ്, എംഎ ഹിസ്റ്ററി, എംഎ ഇക്കണോമിക്സ്, എംഎ സോഷ്യോളജി, എംഎ അറബിക് & ലിറ്ററേച്ചർ, എം.കോം (ഫിനാൻസ്) എന്നീ ആറ് ബിരുദാനന്തര പ്രോഗ്രാമുകളിലേക്കും പ്രവേശനം ലഭ്യമാണ്. 2026 ഓഗസ്റ്റ് സെഷനിൽ എംഎ അറബിക് & ലിറ്ററേച്ചർ, എം.കോം (ഫിനാൻസ്) എന്നിവയാണ് പുതുതായി അവതരിപ്പിച്ച പ്രോഗ്രാമുകൾ. വിദ്യാർത്ഥികൾക്കും ജോലി ചെയ്യുന്നവർക്കും എവിടെനിന്നും ഗുണനിലവാരമുള്ള വിദ്യാഭ്യാസം നേടുന്നതിന് പ്രാപ്തമാക്കുന്ന തരത്തിൽ, സൗകര്യമുള്ളതും പഠിതാക്കളെ കേന്ദ്രീകരിച്ചുള്ളതുമായ ഉന്നത വിദ്യാഭ്യാസം നൽകുന്നതിനാണ് ഓൺലൈൻ പ്രോഗ്രാമുകൾ രൂപകൽപ്പന ചെയ്തിരിക്കുന്നത്. ഈ പ്രോഗ്രാമുകളിൽ ചേരുന്നതിന് പ്രായപരിധിയില്ല. വിശദമായ പ്രോസ്പെക്ടസ്, പ്രോഗ്രാം ബ്രോഷറുകൾ, ഓൺലൈൻ അപേക്ഷാ സൗകര്യം എന്നിവ CDOE വെബ്സൈറ്റായ cdoe.uoc.ac.in ൽ ഉടൻ ലഭ്യമാകും.

പിഴ കൂടാതെ ഓൺലൈൻ രജിസ്ട്രേഷനുള്ള അവസാന തീയതി. 25.09.2026

500 രൂപ പിഴയോടെ ഓൺലൈൻ രജിസ്ട്രേഷനുള്ള അവസാന തീയതി (വിദേശ വിദ്യാർത്ഥികൾ: USD 20) 10.09.2026

താൽപ്പര്യമുള്ള വിദ്യാർത്ഥികൾ സെന്റ‍ർ ഫോ‍ർ ഡിസ്റ്റൻസ് ആൻഡ് ഓൺലൈൻ എജ്യൂക്കേഷന്റെ വെബ്സൈറ്റ് ആയ https://cdoe.uoc.ac.in/ വഴി അപേക്ഷിക്കണം. വിദേശത്തുള്ളവർക്കും ജോലി ഉള്ളവർക്കും പഠിക്കാവുന്ന നിലയിലാണ് ഈ പ്രോഗ്രാമുകൾ വിഭാവനം ചെയ്തിട്ടുള്ളതെന്ന് യൂണിവേഴ്സിറ്റി അറിയിച്ചു. യുജിസിയുടെ മാനദണ്ഡങ്ങൾക്ക് അനുസരിച്ച് നടത്തുന്ന റഗുലർ കോഴ്സുകൾക്ക് തുല്യമായിരിക്കും ഈ പ്രോഗ്രാമുകളും. കോഴ്സിൽ ചേരുന്നവരുടെ സൗകര്യവും താൽപ്പര്യം അനുസരിച്ച് പഠനം ക്രമീകരിക്കാം. ഇതിൽ ചേരുന്നതിന് പ്രായപരിധിയില്ല. ഓരോ പ്രോഗ്രാമും രണ്ട് സ്കീമുകൾ പ്രകാരമാണ് നടത്തുന്നത്. പഠനം മുഴുവൻ ഓൺലൈനായും പരീക്ഷ മാത്രം യൂണിവേഴ്സിറ്റിയുടെ കീഴിലുള്ള ലേണിങ് സപ്പോട്ട് സെന്ററുകളിലോ അഫിലിയേറ്റഡ് കോളജുകളിലോ വന്ന് എഴുതുന്നതാണ് ഒരു സ്കീം. പരീക്ഷയും പഠനവും പൂർണ്ണമായും ഓൺലൈനിൽ നടത്തുന്നതാണ് രണ്ടാമത്തെ സ്കീം. വിദ്യാർത്ഥികൾക്ക് അവർക്ക് ഇഷ്ടമുള്ള സ്കീമിൽ ചേർന്ന് പഠിക്കാൻ സാധിക്കും. പഠനവുമായി ബന്ധപ്പെട്ട ആവശ്യങ്ങൾക്കൊന്നും വിദ്യാർത്ഥികൾ യൂണിവേഴ്സിറ്റിയിൽ എത്തേണ്ട ആവശ്യമില്ല. നിരന്തരമായ സ്ക്രീനിങ്, വിദഗ്ധ അദ്ധ്യാപകരുടെ മേൽനോട്ടവും വിലയിരുത്തലും ഉണ്ടാകും. പാഠങ്ങൾ ലളിതമായി വിശദീകരിക്കുകയും ഇന്റേണൽ, എക്സ്റ്റേണൽ പരീക്ഷകളും ഓൺലൈനായി നടത്തുമെന്ന് യൂണിവേഴ്സിറ്റി അറിയിച്ചു.