ITI ADMISSION KERALA

കേരള ഐ ടി ഐ (ITI) പ്രവേശനം

സംസ്ഥാനത്തെ സർക്കാർ ഐടിഐകളിൽ SCVT, NCVT അഫിലിയേഷനുള്ള ട്രേഡുകളിലേക്കുള്ള 2026 വർഷത്തെ പ്രവേശനത്തിനുള്ള പ്രോസ്‌പെക്ടസ് വകുപ്പ് വെബ്സൈറ്റിൽ പ്രസിദ്ധീകരിച്ചിട്ടുണ്ട്. ഓൺലൈൻ അപേക്ഷ സമർപ്പിക്കുന്നതിനുള്ള തീയതി ജൂൺ 30 ൽ നിന്നും ജൂലൈ 6 വരെ ദീർഘിപ്പിച്ചു. അപേക്ഷകർ ജൂലൈ 9 നകം തൊട്ടടുത്തുള്ള സർക്കാർ ഐടിഐകളിൽ അപേക്ഷ വെരിഫിക്കേഷൻ പൂർത്തിയാക്കണം.https://itiadmissions.kerala.gov.in പോർട്ടൽ വഴിയും വെബ്സൈറ്റിൽ ഉള്ള ലിങ്ക് മുഖേനയും ഓൺലൈനായി അപേക്ഷ സമർപ്പിക്കാം. കൂടാതെ സംസ്ഥാനത്തെ എല്ലാ സർക്കാർ ഐടിഐകളിലും ഓൺലൈനായി അപേക്ഷ സമർപ്പിക്കുന്നതിനുള്ള ഹെൽപ്-ഡെസ്‌ക് സാകര്യവും ഒരുക്കിയിട്ടുണ്ട്.

കേരളത്തിലെ 108 സർക്കാർ ഐടിഐകളിലായി 78 ഏകവത്സര ദ്വിവത്സര ട്രേഡുകളിലേക്ക് അപേക്ഷ ആരംഭിച്ചു. ഓൺലൈൻ വഴിയാണ് അപേക്ഷ നൽകേണ്ടത്. https://itiadmissions.kerala.gov.in എന്ന പോർട്ടൽ വഴി അപേക്ഷ സമർപ്പിക്കാം. പ്രോസ്പെക്ടസും മാർഗ്ഗനിർദേശങ്ങളും വെബ്സൈറ്റിലും പോർട്ടലിലും ലഭ്യമാണ്. പോർട്ടലിൽ തന്നെ പൂരിപ്പിച്ച അപേക്ഷയോടൊപ്പം ഓൺലൈനായി 100 രൂപ ഫീസടച്ച് കേരളത്തിലെ ഏത് ഐടിഐകളിലേയ്ക്കും അപേക്ഷിക്കാം. നിശ്ചിത തിയതിയിൽ ഓരോ ഐടിഐയുടെയും വെബ്സൈറ്റിൽ റാങ്ക് ലിസ്റ്റ് അഡ്മിഷൻ തീയതി എന്നിവ പ്രസിദ്ധീകരിക്കും. റാങ്ക് ലിസ്റ്റുകൾ ഐടിഐകളിലും പ്രസിദ്ധീകരിക്കും.

അപേക്ഷാ സമർപ്പണം പൂർത്തിയായാലും അപേക്ഷകന് ലഭിക്കുന്ന യൂസർ ഐഡിയും പാസ് വേർഡും ഉപയോഗിച്ച് അപേക്ഷ സ്വീകരിക്കുന്ന അവസാന തീയതി വരെ സമർപ്പിച്ച അപേക്ഷയിൽ മാറ്റങ്ങൾ വരുത്താനുള്ള അവസരമുണ്ട്. അപേക്ഷ സ്വീകരിക്കുന്നത് മുതൽ അഡ്മിഷൻ വരെയുള്ള വിവരങ്ങൾ എസ്എംഎസ് മുഖേനയും ലഭ്യമാകും. പ്രവേശനത്തിന് അർഹത നേടുന്നവർ നിശ്ചിത തീയതിക്കുള്ളിൽ അഡ്മിഷൻ ഫീസ് ഒടുക്കണം. കേരളം മുഴുവൻ ഒരേ സമയത്ത് അഡ്മിഷൻ നടക്കുന്നതിനാൽ മുൻഗണന അനുസരിച്ചുള്ള സ്ഥാപനങ്ങൾ വിദ്യാർത്ഥികൾ സ്വയം തിരഞ്ഞെക്കേണ്ടതാണ്. ഓൺലൈനായി അപേക്ഷിക്കേണ്ട അവസാന തിയതി 2026 ജൂൺ 30 വരെയാണ്. കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.

ആവശ്യമായ രേഖകൾ

SSLC Certificate
Plus Two Certificate / Mark List (പ്ലസ് ടു ഉള്ളവർക്ക്)
Aadhaar Card
Non Creamy Layer
Caste-Community
Nativity Certificate
NCC/NSS etc. (ഉള്ളവർക്ക്)
Birth Certificate
Email ID
Phone number
Photo and Sign

എങ്ങനെ ഓൺലൈനായി അപേക്ഷിക്കാം

https://itiadmissions.kerala.gov.in എന്ന വെബ്സൈറ്റ് സന്ദർശിക്കുക.
ഹോം പേജിൽ ITI ADMISSION 2025 എന്നതിൽ നിന്നും APPLY ONLINE എന്നതിൽ ക്ലിക്ക് ചെയ്യുക.
ശേഷം വരുന്ന വിൻഡോയിൽ ഡീറ്റെയിൽസ് കൊടുക്കുക.

Personal & qualification details
Communication details
Other details
Document upload
Self-declaration

ശേഷം save & opt your trade choice എന്നതിൽ ക്ലിക്ക് ചെയ്ത്, trade choice സെലക്ട് ചെയ്യുക.
പിന്നീട് preview your application എന്നതിൽ ക്ലിക്ക് ചെയ്ത് അപ്ലിക്കേഷൻ ശരിയല്ലേയെന്ന് പരിശോധിക്കുക.
ശേഷം submit your application & make payment എന്നതിൽ ക്ലിക്ക് ചെയ്ത് ഓൺലൈനായി പണം അടക്കുക.
പിന്നീട് അപ്ലിക്കേഷൻ പ്രിന്റ് പ്രിന്റൗട്ട് എടുക്കുക
ലഭ്യമായ പ്രിന്റ് ഔട്ടും അപേക്ഷ സമയത്ത് നൽകിയ രേഖകളും അടുത്തുള്ള ഐടിഐ സന്ദർശിച്ചു വെരിഫിക്കേഷൻ ചെയ്യേണ്ടതുണ്ട് വെരിഫിക്കേഷൻ ചെയ്താൽ മാത്രമാണ് അലോട്ട്മെൻറ് ലിസ്റ്റിൽ ഉൾപ്പെടുത്തുക

പോർട്ടലിലെ ഓൺലൈൻ അപേക്ഷയിൽ മുഴുവൻ വിവരങ്ങളും നൽകി . അപേക്ഷാ ഫീസായ 100 രൂപ പേയ്മെൻ്റ് നടത്തിയാൽ മാത്രമേ അപേക്ഷയുടെ പ്രാഥമിക പ്രിൻ്റ് ഔട്ട് എടുക്കുവാൻ സാധിക്കുകയുള്ളൂ. ഇതിനുശേഷം അപേക്ഷയുടെ അസ്സൽ പ്രമാണ പരിശോധന (വെരിഫിക്കേഷൻ) നിശ്ചിത തീയതിക്കകം തൊട്ടടുത്ത വ്യാവസായിക പരിശീലന വകുപ്പിന് കീഴിലുള്ള സർക്കാർ ഐ ടി ഐ യിൽ അപേക്ഷകനോ രക്ഷാകർത്താവോ നേരിട്ടെത്തി. പൂർത്തിയാക്കിയാൽ മാത്രമേ അപേക്ഷകനെ ഐ ടി ഐ പ്രവേശനത്തിനായി പരിഗണിക്കുകയുള്ളു. വെരിഫിക്കേഷൻ പൂർത്തിയായതിന് ശേഷമുള്ള അപേക്ഷയുടെ ഫൈനൽ പ്രിൻ്റ് ഔട്ട് (ഹാർഡ് കോപ്പി) കൈവശം സൂക്ഷിക്കുന്നത് ഉചിതമായിരിക്കും. ഓൺലൈൻ അപേക്ഷയിൽ രേഖപ്പെടുത്തുന്ന യോഗ്യതകൾ/അധികയോഗ്യതകൾ, സംവരണം എന്നിവ തെളിയിക്കുന്നതിനുള്ള അസ്സൽ സർട്ടിഫിക്കറ്റുകൾ പോർട്ടലിൽ അപ്ലോഡ് ചെയ്യേണ്ടതും അവ തൊട്ടടുത്ത വ്യാവസായിക പരിശീലന വകുപ്പിന് കീഴിലുള്ള സർക്കാർ ഐ ടി ഐ യിൽ അസ്സൽ പ്രമാണ പരിശോധനക്കായി (വെരിഫിക്കേഷനായി) ഹാജരാക്കേണ്ടതുമാണ്. അസ്സൽ സർട്ടിഫിക്കറ്റുകളും മുമ്പ് പഠിച്ചിരുന്ന സ്ഥാപനത്തിൽ നിന്നുള്ള ടി.സി യും ബന്ധപ്പെട്ട പ്രിൻസിപ്പാൾമാർ ആവശ്യപ്പെടുന്ന സമയത്ത് നിർബന്ധമായും ഹാജരാക്കേണ്ടതുമാണ്. പ്രവേശനസമയത്ത് / അസ്സൽ പ്രമാണ പരിശോധന സമയത്ത് ഹാജരാക്കുന്ന അസ്സൽ സർട്ടിഫിക്കറ്റുകളുടെ അടിസ്ഥാനത്തിൽ മാത്രമേ പ്രവേശന നടപടികൾ പൂർത്തിയാക്കുവാൻ സാധിക്കുകയുള്ളു. ആയതിനാൽ ഓൺലൈൻ അപേക്ഷയിൽ അസ്സൽ സർട്ടിഫിക്കറ്റിലെ വിവരങ്ങൾ കൃത്യമായും രേഖപ്പെടുത്തിയിട്ടുണ്ടെന്ന് /അപ്ലോഡ് ചെയ്തിട്ടുണ്ടെന്ന് ഉറപ്പ് വരുത്തേണ്ടതാണ്. അസ്സൽ സർട്ടിഫിക്കറ്റുകൾ നിശ്ചിത സമയത്ത് ഹാജരാക്കാൻ സാധിക്കാത്ത അപേക്ഷകൻ്റെ അഡ്മിഷൻ റദ്ദാകുന്നതാണ്. കൂടാതെ ടിയാൻ്റെ അപേക്ഷ ഫീസ് തിരികെ ലഭിക്കുന്നതല്ല.

കൂടുതൽ വിവരങ്ങൾക്കു വിജ്ഞാപനം വായിക്കുക.