CBSE MERIT SCHOLARSHIP FOR SINGLE GIRL CHILD

CBSE ഒറ്റ പെൺകുട്ടി സ്‌കോളർഷിപ്പ്

സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (സി.ബി.എസ്.ഇ) 2025 അധ്യയന വർഷത്തേക്കുള്ള ഒറ്റ പെൺകുട്ടി സ്കോളർഷിപ്പിനായി (Single Girl Child Merit Scholarship) അപേക്ഷിക്കാനുളള അവസാന തീയതി നീട്ടി.

പത്താം ക്ലാസ് സിബിഎസ്ഇ പരീക്ഷയിൽ വിജയിച്ച്, സിബിഎസ്ഇയുമായി അഫിലിയേറ്റ് ചെയ്ത സ്കൂളുകളിൽ പതിനൊന്നാം ക്ലാസിൽ പ്രവേശനം നേടുന്ന, അർഹരായ ഒറ്റ പെൺകുട്ടികളെ പിന്തുണയ്ക്കുന്നതിനാണ് സ്കോളർഷിപ്പ്. അപേക്ഷ സമർപ്പിക്കാനുളള അവസാന തീയതി നവംബർ 20 വരെയാണ് നീട്ടിയത്.

ട്യൂഷൻ ഫീസ് ഉൾപ്പെടെയുള്ള സാമ്പത്തിക സഹായം നൽകിക്കൊണ്ട് പെൺകുട്ടികൾക്കിടയിൽ അക്കാദമിക മികവിനെ പ്രോത്സാഹിപ്പിക്കാനും വിദ്യാഭ്യാസച്ചെലവ് കുറയ്ക്കാനുമാണ് പദ്ധതിയിലൂടെ ലക്ഷ്യമിടുന്നുന്നത്.

യോഗ്യതാ മാനദണ്ഡങ്ങൾ

1. ഒറ്റ പെൺകുട്ടി: വിദ്യാർത്ഥി മാതാപിതാക്കളുടെ ഏകമകളായിരിക്കണം.

2. അക്കാദമിക മികവ്: സിബിഎസ്ഇ പത്താം ക്ലാസ് പരീക്ഷയിൽ കുറഞ്ഞത് 60% മാർക്ക് നേടിയിരിക്കണം.

3. പ്രവേശനം: സിബിഎസ്ഇ അഫിലിയേറ്റഡ് സ്കൂളിൽ പതിനൊന്നാം ക്ലാസിൽ എൻറോൾ ചെയ്തിരിക്കണം.

4. ട്യൂഷൻ ഫീസ് പരിധി:

◦ ഇന്ത്യൻ വിദ്യാർത്ഥികൾക്ക്: പത്താം ക്ലാസിലെ ട്യൂഷൻ ഫീസ് പ്രതിമാസം ₹1,500 കവിയരുത്. .

◦ NRI അപേക്ഷകർക്ക് : ട്യൂഷൻ ഫീസ് പ്രതിമാസം ₹6,000 കവിയരുത്.

അപേക്ഷിക്കുന്നതിന് മുൻപ്, വിദ്യാർത്ഥികൾ എല്ലാ യോഗ്യതാ മാനദണ്ഡങ്ങളും പാലിക്കുന്നുണ്ടെന്ന് ഉറപ്പുവരുത്തേണ്ടതുണ്ട്.

ആവശ്യമായ രേഖകൾ:

പത്താം ക്ലാസ് മാർക്ക് ഷീറ്റിൻ്റെ ഔദ്യോഗിക പകർപ്പ്.
വിദ്യാർത്ഥി ഒറ്റ പെൺകുട്ടിയാണെന്ന് പ്രഖ്യാപിക്കുന്ന, ഫസ്റ്റ് ക്ലാസ് ജുഡീഷ്യൽ മജിസ്‌ട്രേറ്റ്, എസ്‌ഡി‌എം, എക്സിക്യൂട്ടീവ് മജിസ്‌ട്രേറ്റ്, അല്ലെങ്കിൽ നോട്ടറി എന്നിവരിൽ ആരെങ്കിലും സാക്ഷ്യപ്പെടുത്തിയ അഫിഡവിറ്റ്.
നിലവിലെ സ്കൂളിലെ പ്രിൻസിപ്പലിൽ നിന്നുള്ള എൻറോൾമെൻ്റും ഫീസ് വിവരങ്ങളും സ്ഥിരീകരിക്കുന്ന സ്‌കൂൾ അണ്ടർടേക്കിങ്.
ഫണ്ട് നേരിട്ട് കൈമാറ്റം ചെയ്യുന്നതിനായി വിദ്യാർത്ഥിയുടെ ബാങ്ക് അക്കൗണ്ടുമായി ബന്ധിപ്പിച്ച ആധാർ കാർഡ്.
ബാങ്ക് പാസ്ബുക്ക് അല്ലെങ്കിൽ കാൻസൽ ചെയ്ത ചെക്ക്.
അധ്യയന വർഷത്തെ ട്യൂഷൻ ഫീസ് അടച്ചതിൻ്റെ ഫീസ് രസീത്.
വിദ്യാർത്ഥിയുടെ പുതിയ പാസ്‌പോർട്ട് സൈസ് ഫോട്ടോ.

ശ്രദ്ധിക്കേണ്ട കാര്യങ്ങൾ

സമർപ്പിച്ച എല്ലാ അപേക്ഷകളും വിദ്യാർത്ഥി നിലവിൽ പഠിക്കുന്ന സ്കൂൾ വെരിഫൈ ചെയ്യണം.

പൂരിപ്പിക്കാത്തതോ ശരിയായ രീതിയിൽ വെരിഫൈ ചെയ്യാത്തതോ ആയ അപേക്ഷകൾ നിരസിക്കപ്പെടുകയും സ്കോളർഷിപ്പിനായി പരിഗണിക്കാതിരിക്കുകയും ചെയ്യും. സ്കോളർഷിപ്പ് തുക ട്യൂഷൻ ഫീസ് വഹിച്ചുകൊണ്ട് സാമ്പത്തിക സഹായം നൽകുന്നു. കൂടാതെ ഒരിക്കൽ സ്കോളർഷിപ്പ് റദ്ദാക്കുകയോ നിർത്തലാക്കുകയോ ചെയ്താൽ ഭാവി വർഷങ്ങളിൽ വിദ്യാർഥിക്ക് വീണ്ടും അപേക്ഷിക്കാൻ കഴിയില്ല.

കഴിഞ്ഞ വർഷത്തെ സ്കോളർഷിപ് പുതുക്കുന്നതിനും ഇപ്പോൾ അപേക്ഷ നൽകാം. യോഗ്യത മാനദണ്ഡങ്ങളടക്കം സ്കോളർഷിപ് പദ്ധതിയുടെ വിശദവിവരങ്ങളും മാർഗനിർദേശങ്ങളും അപേക്ഷിക്കേണ്ട രീതിയുമൊക്കെ CBSE Single Girl Child Scholarship ലിങ്കിലുണ്ട്. ഈ വർഷം പത്താം ക്ലാസ് പരീക്ഷയിൽ 70 ശതമാനം മാർക്കിൽ കുറയാതെ പാസായി സി.ബി.എസ്.ഇ അഫിലിയേറ്റഡ് സ്കൂളുകളിൽ 11ാം ക്ലാസിൽ പഠിക്കുന്നവർക്ക് സ്കോളർഷിപ്പിനായി അപേക്ഷിക്കാം

രക്ഷാകർത്താക്കൾക്ക് ഒറ്റ പെൺകുട്ടിയായിരിക്കണം. മികച്ച കുട്ടികൾക്ക് പഠനത്തിൽ പ്രോത്സാഹനം നൽകുന്നതിന് പരമാവധി രണ്ടുവർഷത്തേക്കാണ് സ്കോളർഷിപ്. 11, 12 ക്ലാസുകളിലെ പഠനത്തിന് സ്കോളർഷിപ് ലഭിക്കും. ഈ അധ്യയനവർഷം പ്രതിമാസം ട്യൂഷൻ ഫീസ് 2500 രൂപയിൽ കവിയാൻ പാടില്ല (11, 12 ക്ലാസുകളിൽ ട്യൂഷൻ ഫീസ് 3000 രൂപയിൽ കവിയരുത്). എൻ.ആർ.ഐ വിഭാഗത്തിൽപെടുന്ന കുട്ടികളുടെ പ്രതിമാസ ട്യൂഷൻ ഫീസ് 6000 രൂപ വരെയാകാം. വാർഷിക കുടുംബവരുമാനം എട്ടു ലക്ഷം രൂപക്ക് താഴെയാകണം.

2024 വർഷം സ്കോളർഷിപ് ലഭിച്ചവർ തുടർന്നും സ്കോളർഷിപ് അനുവദിക്കുന്നതിന് 2025ൽ പുതുക്കൽ അപേക്ഷ നൽകണം. 11ാം ക്ലാസ് പരീക്ഷയിൽ 70 ശതമാനത്തിൽ കൂടുതൽ മാർക്ക് നേടിയിരിക്കണം.

സ്കോളർഷിപ് തുക: മെറിറ്റ് അടിസ്ഥാനത്തിൽ തെരഞ്ഞെടുക്കപ്പെടുന്നവർക്ക് പ്രതിമാസം 1000 രൂപ വീതം സ്കോളർഷിപ് ലഭിക്കും. കൂടുതൽ വിവരങ്ങൾക്കും അപ്ഡേറ്റുകൾക്കും വെബ്സൈറ്റ് സന്ദർശിക്കുക.

സിബിഎസ്ഇ സിംഗിൾ ഗേൾ ചൈൽഡ് സ്കോളർഷിപ്പ് : അപേക്ഷിക്കേണ്ട വിധം

CBSE Single Girl Child Scholarship വെബ്സൈറ്റ് സന്ദർശിക്കുക
‘Single girl child scholarship REG’ ക്ലിക്ക് ചെയ്യുക
നിയുക്ത സ്കോളർഷിപ്പ് ആപ്ലിക്കേഷൻ ലിങ്കിൽ ക്ലിക്കുചെയ്യുക
പുതിയ ടാബിൽ, ആപ്ലിക്കേഷന്റെ തരം തിരഞ്ഞെടുക്കുക. പുതിയത് അല്ലെങ്കിൽ പുതുക്കൽ.
ഇപ്പോൾ SGC-X ഫ്രഷ് ആപ്ലിക്കേഷനിൽ അല്ലെങ്കിൽ പുതുക്കലിൽ ക്ലിക്ക് ചെയ്യുക
അപേക്ഷാ ഫോം പൂരിപ്പിക്കുക, വിവരങ്ങൾ അപ്‌ലോഡ് ചെയ്യുക
സിംഗിൾ ഗേൾ ചൈൽഡ് സ്കോളർഷിപ്പ് അപേക്ഷ സമർപ്പിക്കുക, ഭാവി റഫറൻസിനായി ഫോം ഡൗൺലോഡ് ചെയ്യുക
സിംഗിൾ ഗേൾ ചൈൽഡ് സ്‌കോളർഷിപ്പ് പദ്ധതി പ്രകാരം വിദ്യാർത്ഥികൾക്ക് പ്രതിമാസം 500 രൂപ ലഭിക്കും. പ്രതിമാസ ട്യൂഷൻ ഫീസ് 10-ാം ക്ലാസിൽ പ്രതിമാസം 1,500 രൂപയിലും 11-ലും 12-ാം ക്ലാസിലും 10 ശതമാനം വർദ്ധനവിലും കവിയരുത്.