PM VIDYALAKSHMI SCHEME MALAYALAM

പി.എം വിദ്യാലക്ഷ്മി പദ്ധതി : പലിശ കുറഞ്ഞ വിദ്യാഭ്യാസ വായ്പ

പി.എം വിദ്യാലക്ഷ്മി പദ്ധതിയിലൂടെ ഈടും, ഗ്യാരണ്ടറും ആവശ്യമില്ലാതെ വിദ്യാഭ്യാസ വായ്പ ലഭിക്കും. ഉന്നത വിദ്യാഭ്യാസ സ്ഥാപനങ്ങളിൽ പഠനം ആഗ്രഹിക്കുന്ന വിദ്യാർത്ഥികൾക്ക് കൈത്താങ്ങേകുന്ന ഈ പദ്ധതിയിൽ പലിശ നിരക്കിലെ ഇളവും ലഭിക്കും

കേന്ദ്ര സർക്കാർ അംഗീകാരം നൽകിയ പദ്ധതിയാണ് പ്രധാനമന്ത്രി വിദ്യാലക്ഷ്മി. അർഹരായ വിദ്യാർത്ഥികൾക്ക് ഉപരി പഠനത്തിന് സാമ്പത്തിക സഹായം നൽകുന്ന പദ്ധതിയാണിത്. പണത്തിന്റെ അഭാവം കൊണ്ട് ഒരു വിദ്യാർത്ഥിക്ക് പോലും ഉപരിപഠനം നിഷേധിക്കപ്പെടരുത് എന്നതാണ് ഈ പദ്ധതിയുടെ ലക്ഷ്യം. ഈ സ്കീമുമായി ബന്ധപ്പെട്ട് അറിഞ്ഞിരിക്കേണ്ട വിവരങ്ങളാണ് ഇവിടെ നൽകിയിരിക്കുന്നത്.

എന്താണ് പി.എം വിദ്യാലക്ഷ്മി സ്കീം?

ഉന്നത പഠനം ആഗ്രഹിക്കുന്ന വിദ്യാർത്ഥിക്ക് മികച്ച വിദ്യാഭ്യാസ സ്ഥാപനങ്ങളിൽ (Quality Higher Education Institution -QHEIs) പഠനം ഉറപ്പു വരുത്തുന്ന പദ്ധതിയാണിത്. ഈട് നൽകേണ്ടതില്ല എന്നതും, ഗ്യാരണ്ടർ ആവശ്യമില്ല എന്നതും ഈ സ്കീമിന്റെ പ്രത്യേകതകളാണ്. കോഴ്സിന്റെ മുഴുവൻ ഫീസും, മറ്റ് അനുബന്ധ ചിലവുകളും, ബാങ്കുകൾ ഉൾപ്പെടെയുള്ള ധനകാര്യ സ്ഥാപനങ്ങളിൽ നിന്ന് ഈ പദ്ധതിയിലൂടെ ലഭ്യമാകും.

ഏതൊക്കെ വിദ്യാഭ്യാസ സ്ഥാപനങ്ങളിലാണ് പഠനം നടത്താൻ സാധിക്കുക?

രാജ്യത്തെ മുൻനിര വിദ്യാഭ്യാസ സ്ഥാപനങ്ങളിൽ ഉന്നത പഠനം ആഗ്രഹിക്കുന്നവർക്ക് ഈ പദ്ധതി പ്രയോജനപ്പെടുത്താം. NIRF റാങ്കിങ് അനുസരിച്ചുള്ള വിദ്യാഭ്യാസ സ്ഥാപനങ്ങളിലാണ് പഠനം നടത്താൻ സാധിക്കുന്നത്. പൊതുമേഖല, സ്വകാര്യ മേഖല എന്നിങ്ങനെ ഈ റാങ്കിങ്ങിലെ ആദ്യ 100 സ്ഥാപനങ്ങളിൽ വിദ്യാഭ്യാസം നേടാൻ ഈ പദ്ധതി സഹായിക്കുന്നു. സംസ്ഥാന സർക്കാരിന് കീഴിൽ 101 മുതൽ 200 വരെ റാങ്കിങ്ങിലുള്ള ഉന്നത വിദ്യാഭ്യാസ സ്ഥാപനങ്ങളിലും പ്രവേശന നേടാം. കൂടാതെ എല്ലാ കേന്ദ്രസർക്കാർ/കേന്ദ്ര സർക്കാർ നിയന്ത്രിത വിദ്യാഭ്യാസ സ്ഥാപനങ്ങളിലെ കോഴ്സുകൾക്കും ഈ സ്കീം പിന്തുണ നൽകുന്നു.

ലഭ്യമാകുന്ന വായ്പാ തുക എത്ര രൂപയാണ്?

7.5 ലക്ഷം രൂപ വരെയുള്ള വായ്പാ തുകയിൽ വിദ്യാർദ്ഥിക്ക് ഔട്സ്റ്റാൻഡിങ് ഡിഫോൾട്ട് തുകയുടെ 75% വരെ ക്രെഡിറ്റ് ഗ്യാരണ്ടി ലഭിക്കും. ഈ പദ്ധതി അനുസരിച്ച് ബാങ്കുകളും വായ്പ നൽകും.

വാർഷിക കുടുംബ വരുമാനം

വാർഷികാടിസ്ഥാനത്തിൽ 8 ലക്ഷം രൂപ വരെ വരുമാനമുള്ള വിദ്യാർത്ഥികൾക്ക് (മറ്റ് സർക്കാർ സ്കോളർഷിപ്പുകൾക്ക് യോഗ്യത ഇല്ലാത്ത) മൊറട്ടോറിയം കാലയളവിൽ, 10 ലക്ഷം രൂപ വരെയുള്ളള വായ്പാ തുകയിൽ 3% പലിശ ഇളവും നൽകുന്നു. ഇന്ററസ്റ്റ് സബ്വെൻഷൻ സപ്പോർട്ട് പ്രകാരം സർക്കാർ സ്ഥാപനങ്ങളിലുള്ള, ടെക്നിക്കൽ/പ്രഫഷണൽ കോഴ്സ് തെരഞ്ഞെടുത്തവർക്ക് മുൻഗണനയുണ്ട്. 'PM-Vidyalaxmi' പോർട്ടലിലൂടെ അപേക്ഷ നൽകാം. വാർഷിക വരുമാനം 4.5 ലക്ഷം രൂപ വരെയുള്ളവർക്കും പലിശ നിരക്കുകളിൽ ഇളവ് ലഭിക്കും..

Official Website: https://www.vidyalakshmi.co.in/

കൂടുതൽ വിവരങ്ങൾക്ക് : PM Vidyalakshmi Scheme FAQ

ഓൺലൈൻ സേവനം ലഭ്യമാകുന്നതിനുള്ള ലിങ്ക് : PM Vidyalakshmi Scheme Website