KERALA TEACHER ELIGIBILITY TEST – DEC 2025

കേരള ടീച്ചര്‍ എലിജിബിലിറ്റി ടെസ്റ്റ്‌

കെ-ടെറ്റ് (KTET) ഫെബ്രുവരി 2026: രജിസ്ട്രേഷൻ വീണ്ടും ആരംഭിച്ചു

കെ-ടെറ്റ് (Kerala Teacher Eligibility Test - KTET) പരീക്ഷയ്ക്ക് അപേക്ഷിക്കാൻ അവസരം നഷ്ടപ്പെട്ട ഉദ്യോഗാർത്ഥികൾക്ക് ഇതാ ഒരു സന്തോഷവാർത്ത. കെ-ടെറ്റ് ഫെബ്രുവരി 2026 പരീക്ഷയ്ക്കുള്ള ഓൺലൈൻ രജിസ്ട്രേഷൻ ഇന്ന് മുതൽ വീണ്ടും ആരംഭിച്ചിരിക്കുകയാണ്.

പരീക്ഷയ്ക്ക് തയ്യാറെടുക്കുന്ന അപേക്ഷകർ താഴെ പറയുന്ന പ്രധാന തീയതികൾ പ്രത്യേകം ശ്രദ്ധിക്കുക:

രജിസ്ട്രേഷൻ ചെയ്യാനുള്ള അവസാന തീയതി: 2026 ജൂൺ 5 (വൈകുന്നേരം 5:00 മണി വരെ)

പരീക്ഷാ തീയതികൾ: 2026 ജൂൺ 27, 28 തീയതികളിൽ

മുൻപ് അപേക്ഷിക്കാൻ കഴിയാതെ പോയ യോഗ്യരായ എല്ലാ ഉദ്യോഗാർത്ഥികളും ഈ അവസാന അവസരം പരമാവധി പ്രയോജനപ്പെടുത്തുക. അവസാന നിമിഷത്തെ തിരക്കുകൾ ഒഴിവാക്കുന്നതിനായി എത്രയും വേഗം തന്നെ അപേക്ഷകൾ സമർപ്പിക്കാൻ ശ്രദ്ധിക്കുക.

💰 അപേക്ഷാ ഫീസ്

ജനറൽ വിഭാഗം: ₹500/- (ഓരോ കാറ്റഗറിക്കും).
എസ്.സി/എസ്.ടി/ഭിന്നശേഷിക്കാർ: ₹250/- (ഓരോ കാറ്റഗറിക്കും).

🎓 കാറ്റഗറികൾ ഏതൊക്കെ?

കാറ്റഗറി I: ലോവർ പ്രൈമറി ക്ലാസുകൾ (1 മുതൽ 5 വരെ).
കാറ്റഗറി II: അപ്പർ പ്രൈമറി ക്ലാസുകൾ (6 മുതൽ 8 വരെ).
കാറ്റഗറി III: ഹൈസ്‌കൂൾ ക്ലാസുകൾ (9, 10).
കാറ്റഗറി IV: ഭാഷാ അധ്യാപകർ (അറബി, ഹിന്ദി, സംസ്കൃതം, ഉറുദു - UP തലം വരെ), സ്പെഷ്യലിസ്റ്റ് അധ്യാപകർ (ആർട്ട് & ക്രാഫ്റ്റ്, കായികം).

✅ വിജയിക്കാൻ വേണ്ട മാർക്ക്

ജനറൽ വിഭാഗം: 60% (90 മാർക്ക്).
എസ്.സി/എസ്.ടി/ഒ.ബി.സി/ഒ.ഇ.സി: 55% (82 മാർക്ക്).
ഭിന്നശേഷിക്കാർ (PH): 50% (75 മാർക്ക്).

🌐 എങ്ങനെ അപേക്ഷിക്കാം?

https://ktet.kerala.gov.in/ എന്ന വെബ്സൈറ്റ് സന്ദർശിക്കുക.
'New Registration' ലിങ്കിൽ ക്ലിക്ക് ചെയ്ത് വിവരങ്ങൾ നൽകുക.
ഫോട്ടോ നിശ്ചിത മാനദണ്ഡങ്ങൾ പാലിച്ച് അപ്‌ലോഡ് ചെയ്യുക .
എസ്.ബി.ഐ ഇ-പേയ്മെന്റ് സംവിധാനം വഴി ഫീസ് അടയ്ക്കുക.
അപേക്ഷയുടെ പ്രിൻ്റൗട്ട് എടുത്ത് സൂക്ഷിക്കുക (ഇത് പരീക്ഷാഭവനിലേക്ക് അയക്കേണ്ടതില്ല).

കൂടുതൽ വിവരങ്ങൾക്ക് പരീക്ഷാഭവന്റെ ഹെൽപ്പ് ഡെസ്കുമായി ബന്ധപ്പെടാം:

ഫോൺ: 0471-2546832, 2546833 (സാങ്കേതിക വിഭാഗം), 0471-2546800 (പൊതുവിവരങ്ങൾ).

അവസാന തീയതിയായ ജനുവരി 07-ന് മുമ്പായി തന്നെ അപേക്ഷ സമർപ്പിക്കാൻ ശ്രദ്ധിക്കുക!

പരീക്ഷാ കേന്ദ്രങ്ങൾ

കേരളത്തിലെവിടെയും പരീക്ഷാ കേന്ദ്രങ്ങൾ തീരുമാനിക്കുന്നതിനുള്ള അധികാരം പരീക്ഷാ സെക്രട്ടറിയ്ക്ക് ഉണ്ട്. അപേക്ഷകന് പരീക്ഷ എഴുതാൻ ഉദ്ദേശിക്കുന്ന വിദ്യാഭ്യാസ ജില്ല തെരഞ്ഞെടുക്കുന്നതിനുള്ള അവസരം ഓൺലൈൻ marital സമർപ്പിക്കുമ്പോൾ നൽകിയിട്ടുണ്ട്. പരീക്ഷാകേന്ദ്രം ഹാൾടിക്കറ്റിൽ ലഭ്യമാക്കുന്നതാണ്.

പരീക്ഷാ ഫീസ്:

ഓരോ കാറ്റഗറി പരീക്ഷയ്ക്കും അപേക്ഷിക്കുന്നതിന് ജനറൽ വിഭാഗത്തിന് 500/- രൂപയും, എസ്.സി./എസ്.ടി/ഭിന്നശേഷി/കാഴ്‌ചപരിമിത വിഭാഗത്തിന് 250/- രൂപയുമാണ് ഫീസ്.

അപേക്ഷ ഓൺലൈൻ ആയി സമർപ്പിക്കുന്നതോടൊപ്പം പരീക്ഷാഫീസും ഓൺലൈൻ ബാങ്കിംഗ് വഴി (Net Banking, Credit/Debit Card) അടയ്ക്കാവുന്നതാണ്.

ഒരു തവണ അടച്ച ഫീസ് യാതൊരു കാരണവശാലും മറ്റ് പരീക്ഷകൾക്കായി മാറ്റിവയ്ക്കുന്നതോ തിരികെ ലഭിക്കുന്നതോ അല്ല. SBI e-Pay മുഖാന്തിരം നടത്തുന്ന ഇടപാടുകളിൽ ഏതെങ്കിലും തരത്തിലുള്ള പിഴവുണ്ടാകുകയാണെങ്കിൽ മാതൃബാങ്കുമായി ബന്ധപ്പെട്ട് തീർപ്പുണ്ടാക്കേണ്ടതാണ്. ഫീസിൻ്റെ ബാങ്ക് ഇടപാടുകളിലുണ്ടാകുന്ന പ്രശ്ന പരിഹാരത്തിന് പരീക്ഷാഭവനോ എസ്.സി.ഇ.ആർ.റ്റി. യോ ഇടപെടുന്നതല്ല. മാതൃബാങ്കിൽ പരാതിനൽകുമ്പോൾ ATRN (Transaction ID/Merchant ID) രേഖപ്പെടുത്തി നൽകുവാൻ പ്രത്യേകം ശ്രദ്ധിക്കേണ്ടതാണ്.

കൂടുതൽ വിവരങ്ങൾക്ക് നോട്ടിഫിക്കേഷനിലുള്ള മാർഗ്ഗ നിർദ്ദേശങ്ങൾ അപേക്ഷിക്കുന്നതിന് മുൻപായി വായിക്കുക.