KANNUR UNIVERSITY APPLICATION FOR ADMISSION TO VARIOUS FOR UG/PG/FIVE-YEAR INTEGRATED MASTERS DEGREE PROGRAMS

കണ്ണൂർ സർവകലാശാലയിലെ യു.ജി/പി.ജി/അഞ്ച് വർഷ ഇന്റഗ്രേറ്റഡ് മാസ്റ്റേഴ്സ് ഡിഗ്രി പ്രോഗ്രാമുകൾക്ക് 30/05/2025 മുതൽ അപേക്ഷിക്കാം

2025-2026 അധ്യയന വർഷത്തിൽ, അഫിലിയേറ്റഡ് കോളേജുകളിലെ വിവിധ ബിരുദ ബിരുദാനന്തര പ്രോഗ്രാമുകളിലേക്കും, സർവകലാശാല പഠന വകുപ്പുകളിലെ അഞ്ച് വർഷ ഇന്റഗ്രേറ്റഡ് മാസ്റ്റേഴ്സ് പ്രോഗ്രാമുകളിലേക്കുമുള്ള പ്രവേശനത്തിന്റെ ഓൺലൈൻ രജിസ്ട്രേഷൻ 30/05/2025 ന് ആരംഭിക്കുന്നതാണ്. സർവകലാശാലയുടെ വിവിധ പഠന വകുപ്പുകളിലായി എക്കണോമിക്സ്, ഹിന്ദി, മ്യൂസിക്, മലയാളം, ജ്യോഗ്രഫി, ബിസിനസ്സ് അഡ്മിനിസ്ട്രേഷൻ, എൻവയോൺമെൻ്റൽ സയൻസ്, ഹിസ്റ്ററി, ഇംഗ്ലീഷ്, മാത്തമാറ്റിക്സ്, കംപ്യുട്ടേഷണൽ സയൻസ്, ഫിസിക്കൽ സയൻസ്, ക്ലിനിക്കൽ സൈക്കോളജി, ആന്ത്രപ്പോളജി, കൊമേഴ്‌സ്, ഫിസിക്കൽ എഡ്‌ജുക്കേഷൻ ആൻഡ് സ്പോർട്‌സ് എന്നീ വിഷയങ്ങളിലാണ് ഫൈവ് ഇയർ ഇൻറഗ്രേറ്റഡ് മാസ്റ്റേഴ്സ് പ്രോഗ്രാമുകളുള്ളത്. കണ്ണൂർ സർവകലാശാല വെബ്സൈറ്റ് മുഖേന ഓൺലൈനായി മാത്രമാണ് അപേക്ഷകൾ സ്വീകരിക്കുന്നത്.

1. FYIMP- അഞ്ച് വർഷ ഇന്‍റഗ്രേറ്റഡ് മാസ്റ്റേർസ് പ്രോഗ്രാമിൽ പ്രവേശനം ലഭിക്കുന്നവർക്ക് ആവശ്യമെങ്കിൽ മൂന്ന് വർഷം പൂർത്തിയാകുമ്പോഴോ നാല് വർഷം പൂർത്തിയാകുമ്പോഴോ വിടുതൽ ചെയ്യാവുന്നതാണ്. അങ്ങനെയുള്ളവർക്ക് അവർ നേടിയ ക്രഡിറ്റിന്‍റെ അടിസ്ഥാനത്തിൽ Degree, Degree(Hons.), Degree (Hons.with Research) എന്നിങ്ങനെയുള്ള ബിരുദങ്ങൾ ലഭിക്കുന്നതാണ്.

2. കണ്ണൂർ സർവ്വകലാശാലയുടെ അഫിലിയേറ്റഡ് കോളേജുകളിലെ (Govt./Aided/ Govt. Educational institutions/Self Financing/ Unaided ) 2025-26 അധ്യയന വർഷത്തിലെ നാല് വർഷ ബിരുദ പ്രോഗ്രാമുകളിലേക്കുള്ള ഏകജാലക സംവിധാനം വഴിയുള്ള പ്രവേശനത്തിന് അപേക്ഷ ക്ഷണിച്ചു . നാല് വർഷ ബിരുദ പ്രോഗ്രാമുകളിൽ പ്രവേശനം നേടുന്ന വിദ്യാർഥികൾക്ക് പ്രസ്തുത പ്രോഗ്രാം പൂർത്തിയാക്കുവാൻ 3 ഓപ്ഷനുകൾ ലഭ്യമാണ്

3. 1 . മൂന്ന് വർഷ ബിരുദം( 3-year UG Degree) - പ്രവേശനം നേടി മൂന്നാം വർഷം പുറത്തിറങ്ങാൻ ആഗ്രഹിക്കുന്ന വിദ്യാർഥിക്ക് തന്റെ മേജർ വിഷയങ്ങളുടെ അടിസ്ഥാനത്തിൽ (വിജയകരമായി പൂർത്തിയാക്കുന്നവർക്ക് ) 3 വർഷ ബിരുദം (3-year UG Degree) ലഭിക്കുന്നതാണ്.

4. പ്രവേശനം നേടി നാലാം വർഷത്തിൽ വിദ്യാർഥിക്ക് രണ്ടു ഓപ്ഷനുകൾ ലഭ്യമാണ്. 2 . നാല് വർഷ ബിരുദം (ഓണേഴ്‌സ്‌ ) (4- year UG Degree (Honors):നാലു വർഷം വിജയകരമായി പൂർത്തിയാക്കുന്ന വിദ്യാർഥികൾക്ക് പ്രസ്തുത ഡിഗ്രി ലഭിക്കുന്നതാണ്.3 .നാല് വർഷ ബിരുദം (ഓണേഴ്‌സ്‌ വിത്ത് റിസേർച്ച് ):ഗവേഷണ മേഖലയിൽ താല്പര്യമുള്ള വിദ്യാർഥികൾക്ക് 4-year UG Degree (Honors with Research) തിരഞ്ഞെടുക്കാവുന്നതാണ്. വിജയകരമായി പൂർത്തിയാക്കുന്ന വിദ്യാർഥികൾക്ക് പ്രസ്തുത ഡിഗ്രി ലഭിക്കുന്നതാണ്.

5. രണ്ടാം സെമെസ്റ്ററിന്റെ അവസാനത്തിൽ (മൂന്നാം സെമെസ്റ്ററിലേക്ക് ) വിദ്യാർഥിക്ക് തന്റെ മേജർ പ്രോഗ്രാം മാറ്റുവാൻ അവസരം ലഭിക്കുന്നതാണ്. ഒന്നും രണ്ടും സെമെസ്റ്ററുകളിൽ പഠിച്ച Discipline-specific foundation courses/Multidisciplinary foundation courses ന്റെ അടിസ്ഥാനത്തിലും അതുപോലെ സീറ്റിന്റെ ലഭ്യതയ്ക്കും അനുസരിച്ചും തന്റെ മേജർ പ്രോഗ്രാം വിദ്യാർഥിക്ക് മാറ്റാവുന്നതാണ്.

6. കണ്ണൂർ സർവ്വകലാശാലയുടെ കീഴിൽ പ്രവേശനം ആഗ്രഹിക്കുന്ന എല്ലാ വിദ്യാര്‍ത്ഥികളും (General/Reservation/Community/Management/Sports quota ഉൾപ്പെടെയുള്ള) ഏകജാലക സംവിധാനം വഴി അപേക്ഷ സമര്‍പ്പിക്കേണ്ടതാണ്. (ഇന്ത്യൻ സിറ്റിസൺ ആയിട്ടുള്ള വിദ്യാർത്ഥികൾ മാത്രമേ ഈ ഏകജാലകസംവിധാനം വഴി അപേക്ഷിക്കാൻ പാടുള്ളു. OCI കാർഡ് ഉള്ളവരും വിദേശ വിദ്യാർത്ഥികളും ഈ ഏകജാലക സംവിധാനം വഴി അപേക്ഷ നൽകാൻ പാടുള്ളതല്ല.)

7. ഓണ്‍ലൈ൯ രജിസ്ട്രേഷ൯ 30 മെയ് 2025, വൈകുന്നേരം 5 മണി മുതൽ ആരംഭിക്കുന്നതും 17 ജൂൺ 2025 വൈകുന്നേരം 5 മണിക്ക് അവസാനിക്കുന്നതുമാണ്. ഓൺലൈൻ രജിസ്ട്രേഷന്റെ അവസാന തിയ്യതി വരെ അപേക്ഷയിലെ തെറ്റുകൾ ഫീ ഇല്ലാതെ തന്നെ തിരുത്താവുന്നതാണ്. അതിനു ശേഷമുള്ള തിരുത്തലുകൾക്ക് ഫീ ഈടാക്കുന്നതാണ്. രജിസ്ട്രേഷ൯ സംബന്ധമായ വിവരങ്ങൾ admission.kannuruniversity.ac.in എന്ന വെബ് സൈറ്റിൽ ലഭ്യമാണ്.

8. കമ്മ്യൂണിറ്റി, മാനേജ്മെന്‍റ്, സ്പോര്‍ട്സ് എന്നീ ക്വാട്ടകളി‍ല്‍ പ്രവേശനം ആഗ്രഹിക്കുന്നവര്‍ ഓണ്‍ലൈ൯ അപേക്ഷയുടെ പ്രിന്‍റൗട്ടും ആവശ്യമായ രേഖകളും സഹിതം പ്രവേശനം ആഗ്രഹിക്കുന്ന കോളേജുകളില്‍ പ്രത്യേകം അപേക്ഷ സമര്‍പ്പിക്കേണ്ടതാണ്.

9. വിദ്യാർത്ഥികള്‍ക്ക് 20 ഓപ്ഷൻ വരെ സെലക്ട് ചെയ്യാവുന്നതാണ്. കോളേജുകളെ സംബന്ധിക്കുന്ന വിവരങ്ങൾ( ദൂരം, ഹോസ്റ്റല്‍ സൗകര്യം മുതലായവ) അതാത് കോളേജുകളുടെ വെബ് സൈറ്റിൽ ലഭ്യമാണ്. അത് പരിശോധിച്ചതിനു ശേഷം മാത്രം കോളേജുകള്‍ തെരഞ്ഞെടുക്കേണ്ടതാണ്. ഓപ്ഷന്‍ കൊടുത്ത കോളേജുകളിലേക്ക് അലോട്ട്മെന്‍റ് ലഭിക്കുകയാണെങ്കിൽ നിര്‍ബന്ധമായും പ്രവേശനം നേടേണ്ടതാണ്. അല്ലാത്തപക്ഷം തുടര്‍ന്നു വരുന്ന അലോട്ട്മെന്‍റിൽ‍ പരിഗണിക്കുന്നതല്ല. പ്രവേശനം ആഗ്രഹിക്കുന്ന കോളേജുകളും പ്രോഗ്രാമുകളും മാത്രം മുൻഗണന ക്രമത്തിൽ തെരഞ്ഞെടുക്കാന്‍ പ്രത്യേകം ശ്രദ്ധിക്കേണ്ടതാണ്.

10. ഓണ്‍ലൈ൯ രജിസ്ട്രേഷ൯ ചെയ്തതിനുശേഷം അപേക്ഷയുടെ പ്രിന്‍റൗട്ട് കോളേജുകളിലേക്കോ സര്‍വ്വകലാശാലയിലേക്കോ അയക്കേണ്ടതില്ല. അപേക്ഷയുടെ പ്രിന്‍റൗട്ടും ഫീസടച്ചതിന്‍റെ രസീതും പ്രവേശന സമയത്ത് അതാത് കോളേജുകളിൽ ഹാജരാക്കേണ്ടതാണ്. ഓണ്‍ലൈ൯ രജിസ്ട്രേഷ൯‍ ഫീസ് 600/- രൂപയാണ്.(SC/ST /PWBD വിഭാഗത്തിന് 300 /- രൂപ )

കൂടുതൽ വിവരങ്ങൾക്കു വിജ്ഞാപനം വായിക്കുക.

അപേക്ഷ സമര്‍പ്പിക്കേണ്ട അവസാന തീയതി : 2025 ജൂൺ 17